Umhverfis- og mannvirkjaráð - 149

Lögð fram stöðuskýrsla dagsett 23. október 2023 vegna framkvæmda við kirkjutröppurnar á Akureyri ásamt tengdum verkefnum.

Sigurður Gunnarsson verkefnastjóri nýframkvæmda sat fundinn undir þessum lið.

Fylgiskjöl

• EB 0704 Stöðuskýrsla 1 UMSA-20231023.pdf

Lagður fyrir ráðið samstarfssamningur við Grýtubakkahrepp.

Gunnar Rúnar Ólafsson slökkviliðsstjóri Slökkviliðs Akureyrar sat fundinn undir þessum lið.

Umhverfis- og mannvirkjaráð samþykkir samninginn.

Fylgiskjöl

• Samningur um samstarf og eldvarnaeftirlit_SA og Grýtubakkahreppur.pdf

Lagt fram minnisblað dagsett 18. október 2023 varðandi kaup á sexhjóli því gróðureldar eru vaxandi áhyggjuefni hjá slökkviliðum landsins. Þetta vandamál mun aukast verulega er fram sækir. Til að ná sem bestum árangri í slökkvistarfi þegar

útbreiðsluhætta er mikil eins og er í gróðureldum, skiptir höfuðmáli að komast fljótt að eldinum með tæki, búnað og mannskap. Því fyrr sem slökkvistarf hefst því betri er útkoman.

Gunnar Rúnar Ólafsson slökkviliðsstjóri Slökkviliðs Akureyrar sat fundinn undir þessum lið.

Umhverfis- og mannvirkjaráð samþykkir að keypt verði sexhjól til slökkvi- og björgunarstarfa samkvæmt tilboði að fjárhæð kr. 6,2 milljónir enda rúmist það innan áætlunar fyrir tækjakaup Slökkviliðsins fyrir árið 2023.

Lagt fram minnisblað dagsett 23. október 2023 varðandi fóttastiga við Ráðhúsið á Akureyri.

Ævar Guðmundsson verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir að leitað verði eftir tilboðum í flóttastiga fyrir Ráðhúsið á Akureyri.

Fylgiskjöl

• Minnisblað_Ráðhús,Hringstigi_23.10.2023X.pdf

Lagt fram minnisblað dagsett 18. október 2023 varðandi opnun tilboða í útboði á flokkunarílátum vegna sorphirðingar.

Þrjú tilboð bárust.

Georg Fannar Haraldsson verkefnastjóri á rekstrardeild og Rut Jónsdóttir forstöðumaður umhverfis- og sorpdeildar sátu fundinn undir þessum lið.

Umhverfis- og mannvirkjaráð samþykkir á grundvelli fyrirliggjandi gagna að hefja samningaviðræður við lægstbjóðanda, Íslenska gámafélagið ehf. um kaup á flokkunarílátum vegna sorphirðingar.

Fylgiskjöl

• Opnun tilboða - Kaup á flokkunarílátum.pdf

Lagt fram minnisblað dagsett 22. október 2023 varðandi staðsetningu á áramótabrennu næstkomandi áramót.

Rut Jónsdóttir forstöðumaður umhverfis- og sorpdeildar og Jón Birgir Gunnlaugsson verkefnastjóri umhverfis- og sorpmála sátu fundinn undir þessum lið.

Umhverfis- og mannvirkjaráð felur umhverfis- og mannvirkjasviði að kanna aðra kosti á brennustæði í ljósi þess að ekki sé hægt að nýta Réttarhvamm vegna reglna um nálægðar við íbúðarhús og viðkvæma starfsemi.

Tekin fyrir bókun Heilbrigðiseftirlits Norðurlands eystra frá fundi nr. 231 þann 26. september 2023 varðandi svifryksmælingar. Einnig lögð fram viðbragðsáætlun til að bæta loftgæði utandyra.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð felur umhverfis- og mannvirkjasviði að endurskoða verklagsreglur vegna loftmengunar og byggja á viðbragðsáætlun til að bæta loftgæði utandyra frá Heilbrigðisnefnd Norðurlands eystra.

Fylgiskjöl

• HNE bókun af 231.fundi svifryk á Akureyri.pdf
• 231. fundargerð 23-09-20 undirrituð.pdf
• vidbragdsaaetlun-hne-til-ad-baeta-loftgaedi-utandyra.pdf

Tekin fyrir bókun Heilbrigðiseftirlits Norðurlands eystra frá fundi nr. 231 þann 26. september 2023 varðandi umferðarhávaða í bæjarlandinu. Einnig lögð fram útgáfa 2 af tímaáætlun á kortlagningu umferðarhávaða.

Rut Jónsdóttir forstöðumaður umhverfis- og sorpdeildar og Jónas Valdimarsson verkefnastjóri hönnunar sátu fundinn undir þessum lið.

Umhverfis- og mannvirkjaráð felur umhverfis- og mannvirkjasviði að taka saman minnisblað með aðgerðum gegn hávaða á grundvelli aðgerðaáætlunar gegn hávaða á árunum 2018-2023.

Þórhallur Harðarson D-lista vék af fundi kl. 10:48.

Fylgiskjöl

• 2023-10-13_Tímaáætlun_kortlagning á umferðarhávaða_útg2.pdf
• HNE bókun af 231. fundi umferðarhávaði Akureyri.pdf

Lögð fram útgáfa 2 af tímaáætlun á kortlagningu umferðarhávaða og drög að samningi um samstarf vegna kortlagningar hávaða milli Umhverfisstofnunar, Akureyrarbæjar og annarra sveitarfélaga.

Rut Jónsdóttir forstöðumaður umhverfis- og sorpdeildar og Jónas Valdimarsson verkefnastjóri hönnunar sátu fundinn undir þessum lið.

Umhverfis- og mannvirkjaráð samþykkir að taka þátt í verkefninu og samþykkir samninginn.

Lagt fram minnisblað dagsett 22. október 2023 varðandi mögulegan stuðning við rekstur kattaathvarfs.

Rut Jónsdóttir forstöðumaður umhverfis- og sorpdeildar og Jón Birgir Gunnlaugsson verkefnastjóri umhverfis- og sorpmála sátu fundinn undir þessum lið.

Andri Teitsson L-lista, Inga Dís Sigurðardóttir M-lista og Hilda Jana Gísladóttir S-lista leggða til við bæjarráð að kannaður verði sá möguleiki að styðja fjárhagslega við starfsemi Kisukots enda verði starfsemin í húsnæði sem uppfyllir reglugerðir.



Óskar Ingi Sigurðsson B-lista situr hjá við afgreiðslu málsins.

Lagt fram kauptilboð vegna sölu á íbúð í eigu Akureyrarbæjar.

Umhverfis- og mannvirkjaráð samþykkir kauptilboðið fyrir sitt leyti og vísar því til afgreiðslu í bæjarráði.