Umhverfis- og mannvirkjaráð - 169

Lögð fram stöðuskýrsla vegna framkvæmda við vélageymslu í Hlíðarfjalli.

Kristján Snorrason verkefnastjóri nýframkvæmda sat fundinn undir þessum lið.

Farið yfir stöðuna á leka sem var í Klettaborg 43.

Lagður fram samningur milli Akureyrarbæjar og Fallorku frá árinu 2013 varðandi framkvæmd við gerð virkjunar á Glerárdal og varðandi gerð og viðhald stíga á svæðinu samhliða því.

Jón Birgir Gunnlaugsson verkefnastjóri á umhverfisdeild sat fundinn undir þessum lið.

Umhverfis- og mannvirkjaráð óskar eftir samtali við Fallorku um samninginn.

Fylgiskjöl

• Samningur Fallorku og Akureyrarbæjar.pdf

Tekin fyrir fyrri beiðni umhverfis- og mannvirkjaráðs um að sækja um lóð.

Umhverfis- og mannvirkjaráð telur að ekki sé þörf á því að fá umræddri lóð úthlutað þar sem verkefnið er enn á frumstigi og samþykkir að óska eftir því við skipulagsráð að lóðinni verði ekki úthlutað til annarra þar til kostnaðarmat og frekari ákvarðanir liggja fyrir.

Hilda Jana Gísladóttir S-lista og Ingimar Eydal B-lista sitja hjá.

Lagður fram fjárhagsrammi vegna fjárhagsáætlunargerðar vegna ársins 2025.

Lagðar framr gjaldskrár fyrir árið 2025 vegna umhverfis- og mannvirkjasviðs.

Umhverfis- og mannvirkjaráð samþykkir framlagðar gjaldskrár fyrir sitt leyti fyrir árið 2025 og vísar þeim til bæjarráðs.

Lögð fram drög að rekstraráætlun allra deilda umhverfis- og mannvirkjasviðs og farið sérstaklega yfir fjárhagsáætlun fyrir Slökkvilið Akureyrar, Hlíðarfjall og leiguíbúðir Akureyrarbæjar.

Gunnar Rúnar Ólafsson slökkviliðsstjóri Slökkviliðs Akureyrar og Brynjar Helgi Ásgeirsson forstöðumaður í Hlíðarfjalli sátu fundinn undir þessum lið.