Umhverfis- og mannvirkjaráð - 114

Farið yfir niðurstöður þjónustukönnunar Gallup 2021.

Rut Jónsdóttir forstöðumaður umhverfis- og sorpmála sat fundinn undir þessum lið.

Lögð fram fundargerð 222. fundar heilbrigðisnefndar Norðurlandssvæðis eystra dagsett 24. nóvember 2021.

Bæjarráð vísar töluliðum 1-3 undir liðnum önnur mál í fundargerðinni til umhverfis- og mannvirkjaráðs.

Rut Jónsdóttir forstöðumaður umhverfis- og sorpmála sat fundinn undir þessum lið.

Umhverfis- og mannvirkjaráð vísar liðum 1-3 til þjónustu- og skipulagssviðs og umhverfis- og mannvirkjasviðs. Óskar ráðið eftir því að upplýsinga sé aflað um heimildir og ábyrgðarskiptingu milli umhverfis- og mannvirkjasviðs, þjónustu- og skipulagssviðs og heilbrigðiseftirlitsins. Ráðið felur umhverfis- og mannvirkjasviði að ljúka við hreinsun á gler- og múrbrotshaugum í Sjafnarnesi.

Fylgiskjöl

• 222-fundur 21-11-24.pdf

Lögð fram stöðuskýrsla dagsett 9. febrúar 2022 varðandi framkvæmdir við nýjar tjaldflatir, fráveitu og yfirborðsfrágang að Hömrum.

Rut Jónsdóttir forstöðumaður umhverfis- og sorpdeildar og Jón Birgir Gunnlaugsson verkefnastjóri á umhverfis- og sorpdeild sátu fundinn undir þessum lið.

Umhverfis- og mannvirkjaráð fagnar framkvæmdinni.

Fylgiskjöl

• Hamrar-staða-framhald-4.pdf

Lagt fram minnisblað dagsett 9. febrúar 2022 varðandi opnun tilboða og val á gervigrasi á fótboltavelli hjá KA.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir að gengið verði til samninga við Metatron ehf. um kaup á gervigrasinu, LigaTurf RS Pro II CP 240 18/4, á grundvelli tilboðs þeirra númer 2. Heildarkostnaður við gervigras og búnað á báða vellina er samkvæmt því kr. 182,4 milljónir.

Lagt fram minnisblað dagsett 27. janúar 2022 varðandi tækjakaup fyrir viðhald á gervigrasvöllum Akureyrarbæjar.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir að keypt verði vél frá SMG í Þýskalandi með búnaði fyrir umhirðu á öllum gervigrasvöllum Akureyrarbæjar. Samþykkt er að upphæðin, kr. 9 milljónir verði tekin af búnaðarkaupalið UMSA.

Lagt fram minnisblað dagsett 9. febrúar 2022 varðandi ástand gervigrass í Boganum.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð telur nauðsynlegt að gervigras í Boganum verði endurnýjað á árinu 2023 og vísar því til fjárhagsáætlunargerðar haustið 2022.

Lagt fram minnisblað dagsett 9. febrúar 2022 varðandi búnaðarkaup fyrir FIMAK.

Umhverfis- og mannvirkjaráð samþykkir beiðni fræðslu- og lýðheilsuráðs um kaup á dýnum í Íþróttamiðstöð Giljaskóla fyrir FIMAK að upphæð kr. 3,5 milljónir og verði það tekið af búnaðarkaupasjóði UMSA.