Umhverfis- og mannvirkjaráð - 104

Húsaleiguáætlun fyrir árið 2022 lögð fram til samþykktar.

Umhverfis- og mannvirkjaráð samþykkir framlagða húsaleiguáætlun.

Tekin fyrir beiðni frá velferðarsviði varðandi tilfærslu á framkvæmdum á framkvæmdaáætlun. Óskað er eftir því að framkvæmdir við Hafnarstræti 16 fari fram fyrir framkvæmdir við Nonnahaga í framkvæmdaröð vegna velferðarmála.

Umhverfis- og mannvirkjaráð samþykkir fyrir sitt leyti breytta forgangsröðun á framkvæmdaáætlun þar sem framkvæmdir við Hafnarstræti 16 eru færðar fremst og vísar því til bæjarráðs til afgreiðslu.

Lagt fram minnisblað dagsett 26. ágúst 2021 varðandi framkvæmdir og stöðuna á gatnagerð við Holtahverfi norður.

Lagt fram minnisblað dagsett 22. júlí 2021 varðandi slökkvibíl í Hrísey.

Umhverfis- og mannvirkjaráð samþykkir lausn samkvæmt framlögðu minnisblaði enda rúmist hún innan reksturs slökkviliðsins.

Fylgiskjöl

• 20210722_Minnisblað ÓS_Hrísey - Slökkvibíll.pdf

Lagt fram minnisblað dagsett 22. júlí 2021 varðandi breytingar á samningum um sjúkraflutninga vegna COVID.

Lögð fram til kynningar niðurstaða dómnefndar og tillögur í hönnunarsamkeppni vegna viðbyggingar og endurbóta á ráðhúsi Akureyrarbæjar.

Lagt fram yfirlit um tillögur sem fram komu á stórþingi ungmenna sem haldið var 6. september 2019 og í viðtalstímum bæjarfulltrúa í grunnskólum bæjarins haustið 2019. Á fundi bæjarráðs þann 26. nóvember sl. var liðunum Umhverfis- og mannvirkjasvið 1-6 vísað til umhverfis- og mannvirkjaráðs.

Umhverfis- og mannvirkjaráð þakkar fyrir hugmyndir og tillögur sem komu fram og vísar þeim til frekari vinnslu hjá starfsfólki sviðsins, mörgu af því sem óskað var eftir hefur nú þegar verið brugðist við og listinn hafður til hliðsjónar við framkvæmdir.