Umhverfis- og mannvirkjaráð - 106

Lagðar fyrir ráðið fjárhagsáætlannir fyrir árið 2022.

Rut Jónsdóttir forstöðumaður umhverfis- og sorpdeildar, Ólafur Stefánsson slökkviliðsstjóri, Gunnar Rúnar Ólafsson aðstoðarslökkviliðsstjóri og Dóra Sif Sigtryggsdóttir forstöðumaður rekstrardeildar sátu fundinn undir þessum lið.

Umhverfis- og mannvirkjaráð samþykkir áætlun fyrir bílastæðasjóð, leiguíbúðir Akureyrarbæjar, umhverfis- og sorpmál og slökkvilið Akureyrar.



Umhverfis- og mannvirkjaráð frestar afgreiðslu áætlunar Fasteigna Akureyrarbæjar, Strætisvagna Akureyrar, skrifstofu umhverfis- og mannvirkjasviðs, umhverfismiðstöðvar og reksturs innviða Akureyrarbæjar.

Teknar fyrir breytingar vegna styttingar vinnuvikunnar og fjölgun stöðugilda.

Ólafur Stefánsson slökkviliðsstjóri og Gunnar Rúnar Ólafsson aðstoðarslökkviliðsstjóri sátu fundinn undir þessum lið.

Fjölgun um 7 stöðugildi slökkviliðsins á vöktum, fjölga stöðugildum úr 23 í 30. Á móti er gert ráð fyrir hækkun í samningi við Sjúkratryggingar Íslands þannig að nettó niðurstaða Akureyrarbæjar er um kr. 300.000.000 sem er um 12% hækkun milli ára. Umhverfis- og mannvirkjaráð samþykkir framlagða áætlun fyrir sitt leyti og vísar til bæjarráðs.

Lögð fram stöðuskýrsla um stöðu framkvæmda við fráveitu og flatir að Hömrum.

Rut Jónsdóttir forstöðumaður umhverfis- og sorpdeildar og Jón Birgir Gunnlaugsson verkefnastjóri á umhverfis- og sorpdeild sátu fundinn undir þessum lið.

Kynnt áform um vinnslu og not á efninu.

Rut Jónsdóttir forstöðumaður umhverfis- og sorpdeildar og Jónas Valdimarsson verkefnastjóri tækni- og hönnunardeildar sátu fundinn undir þessum lið.

Lögð fram verklýsing dagsett 22. september 2021 á 2. áfanga stígagerðar og brúunar lækja á Glerárdal.

Rut Jónsdóttir forstöðumaður umhverfis- og sorpdeildar og Jón Birgir Gunnlaugsson verkefnastjóri á umhverfis- og sorpdeild sátu fundinn undir þessum lið.

Áætlað að verki verði lokið á árinu 2022.

Erindi dagsett 21. september 2021 vegna mögulegra skemmda við snjómokstur.

Rut Jónsdóttir forstöðumaður umhverfis- og sorpdeildar og Jón Birgir Gunnlaugsson verkefnastjóri á umhverfis- og sorpdeild sátu fundinn undir þessum lið.

Umhverfis- og mannvirkjaráð hefur fjallað um erindi málsaðila og hafnar bótakröfu og felur sviðsstjóra umhverfis- og mannvirkjasviðs að svara erindinu.

Lögð fram minnisblöð dagsett 22. og 23. september 2021 varðandi breytingar á vinnuslóðum vegna lagningar jarðstrengs Landsnets frá Akureyrarflugvelli að Rangárvöllum. Þar er lagt til að slóða fyrir ofan Breiðholt og meðfram heimreið að Hömrum verði beytt í reiðleið og vinnuslóða frá Kjarnavegi við Hamra niður að Kjarnalundi verði breytt í útivistarstíg.

Rut Jónsdóttir forstöðumaður umhverfis- og sorpdeildar, Tómas Björn Hauksson forstöðumaður nýframkvæmda og Jón Birgir Gunnlaugsson verkefnastjóri á umhverfis- og sorpdeild sátu fundinn undir þessum lið.

Umhverfis- og mannvirkjaráð samþykkir tillögurnar og vísar reiðstíg til fjárhagsáætlunargerðar 2022 og útivistarstíg til framkvæmdar 2021.



Áætlaður kostnaður við stígagerð og frágang vegna framkvæmda við reiðstíg er kr. 50.000.000 og er vísað til fjárhagsáætlunar 2022.



Áætlaður kostnaður við stígagerð og frágang á útivistarstíg er kr. 9.000.000 og rúmast innan áætlunar vegna stíga 2021.

Lögð fyrir ráðið sala á Vestursíðu 36 - íbúð 102.

Umhverfis- og mannvirkjaráð samþykkir söluna fyrir sitt leyti og vísar henni til bæjarráðs.

Farið yfir kostnað við viðhald á leiguíbúðum Akureyrarbæjar.

Umhverfis- og mannvirkjaráð frestar afgreiðslu málsins.

Erindi dagsett 6. september 2021 þar sem Vegagerðin kynnir niðurstöður starfshóps um skilavegi er varða m.a. yfirfærslu veghalds á Hlíðarfjallsvegi, vegi nr. 837-01 og 02 frá Vegagerðinni til Akureyrarbæjar. Óskað er eftir að Akureyrarbær tilnefni tengilið sem mun annast málefnið og leiða viðræður við Vegagerðina.

Tómas Björn Hauksson forstöðumaður nýframkvæmda og Jónas Valdimarsson verkefnastjóri tækni- og hönnunardeildar sátu fundinn undir þessum lið.

Umhverfis- og mannvirkjaráð felur sviðsstjóra umhverfis- og mannvirkjasviðs að vera tengiliður við Vegagerðina.

Lagt fram minnisblað dagsett 24. september 2021 varðandi bráðabirgðabreytingar á biðstöð við Hofsbót.

Tómas Björn Hauksson forstöðumaður nýframkvæmda og Jónas Valdimarsson verkefnastjóri tækni- og hönnunardeildar sátu fundinn undir þessum lið.

Umhverfis- og mannvirkjaráð samþykkir tillöguna.