Umhverfis- og mannvirkjaráð - 66

Tekin fyrir niðurstaða opnunar tilboða í snjómoksturs- og hálkuvarnarútboði fyrir árin 2019-2022.

Umhverfis- og mannvirkjaráð samþykkir að gengið verði til samninga við eftirfarandi verktaka (skv. meðf. fylgiskjali) að útboðsgögnum uppfylltum í útboði vegna snjómoksturs og hálkuvarna fyrir árin 2019-2022.

Fylgiskjöl

• 2019010353 niðurstöður útboðs-3.pdf

Skipulagstillaga fyrir Holtahverfi kynnt.

Jónas Valdimarsson verkefnastjóri hönnunar á umhverfis- og mannvirkjasviði kynnti tillögurnar.

Kostnaðaráætlun vegna byggingar leikskóla við Glerárskóla lögð fram.

Fundargerð óshólmanefndar dagsett 1. október 2019 lögð fram.

Umhverfis- og mannvirkjaráð tekur undir með óshólmanefnd að brýnt sé að ljúka við deiliskipulag svæðisins.

Lagt fram tilboð sem barst í Fögrusíðu 7c.

Umhverfis- og mannvirkjaráð samþykkir að ganga að tilboðinu með fyrirvara um samþykki bæjarráðs.

Lagt fram tilboð sem barst í Strandgötu 6.

Umhverfis- og mannvirkjaráð hafnar tilboðinu enda sé fyrirhugað að rífa húsið.

Stöðuskýrsla vegna byggingar brúar yfir vesturkvísl Eyjafjarðarár kynnt.

Umhverfis- og mannvirkjaráð samþykkir að ljúka hönnun og hefja útboðsferli sem fyrst í samstarfi við Landsnet samkvæmt minnisblaði um samlegðaráhrif með lagningu á streng yfir Eyjafjarðará sem borist hefur frá þeim.

Teknar fyrir gjaldskrár umhverfis- og mannvirkjasviðs fyrir árið 2020.

Umhverfis- og mannvirkjaráð samþykkir gjaldskrárnar með þeim breytingum sem gerðar voru á fundinum.

Teknar fyrir heildaráætlanir fyrir árið 2020 og starfsáætlun UMSA.

Meirihluti umhverfis- og mannvirkjaráðs samþykkir starfsáætlanir umhverfis- og mannvirkjasviðs fyrir árið 2020.



Gunnar Gíslason D-lista og Berglind Bergvinsdóttir M-lista sátu hjá.