Umhverfis- og mannvirkjaráð - 68

Tekin fyrir beiðni stjórnar Akureyrarstofu til umhverfis- og mannvirkjaráðs um að sett verði fjármagn í að endurnýja hljóð- og ljósakerfi í Hofi og Samkomuhúsinu að upphæð kr. 61.000.000 á árinu 2020.

Umhverfis- og mannvirkjaráð frestar málinu og óskar eftir frekari upplýsingum með sundurliðun og forgangsröðun.

Kynnt niðurstaða opnunar tilboða í jarðvinnu og farg vegna brúar yfir vesturkvísl Eyjafjarðarár.

Umhverfis- og mannvirkjaráð samþykkir að ganga að tilboði lægstbjóðanda, Finns ehf.

Fylgiskjöl

• 20191111130511.pdf

Tekin fyrir beiðni Menningarfélags Akureyrar um kaup á tækjabúnaði fyrir veitingarekstur í Menningarhúsinu Hofi.

Umhverfis- og mannvirkjaráð samþykkir að gengið verði til samninga við eigendur búnaðarins.

Rætt um umgengni í bæjarlandinu og þá sérstaklega hvað varðar bílhræ, gáma og annað rusl.

Rut Jónsdóttir forstöðumaður umhverfis- og sorpdeildar, Jón Birgir Gunnlaugsson verkefnastjóri umhverfismála og Alfreð Schiöth framkvæmdastjóri Heilbrigðiseftirlits Norðurlands eystra sátu fundinn undir þessum lið.

Umhverfis- og mannvirkjaráð hvetur fólk og fyrirtæki í Akureyrarbæ til þess að bæta umgengni um sitt nærumhverfi. Umgengni er víða óásættanleg og ráðið mun fylgja því betur eftir á næstunni að almenningur og fyrirtæki fjarlægi númerslausa bíla, gáma og annað rusl, sem víða hefur legið óhreyft í langan tíma.

Tekin fyrir bókun 211. fundar heilbrigðisnefndar Norðurlandssvæðis eystra sem haldinn var 6. nóvember 2019 varðandi svifryk sem er svohljóðandi:

"Svifryksvandi í Akureyrarbæ er lýðheilsuvandamál sem kallar á ákveðnar úrbætur að hálfu Akureyrarbæjar (gatnakerfi bæjarins) og Vegagerðar ríkisins (þjóðvegir). Heilbrigðisnefnd mælist til þess að Akureyrarbær og Vegagerð ríkisins noti eingöngu salt/saltpækil til hálkuvarna á Akureyri veturinn 2019 til 2020 og meti árangur af þessari breytingu á verklagi m.t.t. svifryks í Akureyrarbæ að loknum vetri.

Jafnframt verði gert átak í því að efla þrif (sópun og smúlun) á götum bæjarins og að notaður verði sjór og eftir atvikum magnesíumklóríð til rykbindingar á götum bæjarins. Gert verði átak í því að fyrirbyggja að óhreinindi berist á götur bæjarins með vörubílum og vinnuvélum af byggingar- og athafnasvæðum (krafa um vandað verklag og að verktakar þrífi upp eftir sig ef óhreinindi berast út á götur).

Þá er minnt á mikilvægi þess að koma á framfæri fræðslu og upplýsingu til bæjarbúa um mikilvægi þess að velja naglalaus vetrardekk frekar en nagladekk m.t.t. svifryks og lýðheilsu.

Að lokum er gerð tillaga um að Akureyrarbær og Akureyrarhöfn fjárfesti í færanlegum svifryksmæli sem verði notaður gagngert til þess að fylgjast með svifryki víðsvegar í bænum og einnig vegna mengunar frá skemmtiferðaskipum í Akureyrarhöfn (færanlegur mælir til viðbótar við fasta mælistöð sem er til staðar í miðbænum)."

Rut Jónsdóttir forstöðumaður umhverfis- og sorpdeildar, Jón Birgir Gunnlaugsson verkefnastjóri umhverfismála og Alfreð Schiöth framkvæmdastjóri Heilbrigðiseftirlits Norðurlands eystra sátu fundinn undir þessum lið.

Umhverfis- og mannvirkjaráð þakkar heilbrigðisnefnd fyrir sínar ábendingar og mun fylgja þeim eftir með gerð aðgerðaáætlunar og viðeigandi aðgerðum fram að því. Ráðið felur starfsmönnum umhverfis- og mannvirkjasviðs að útfæra aðgerðaáætlun til þess að lágmarka svifryk og leggja fyrir ráðið á næsta fundi.

Eftirfarandi fundargerðir lagðar fram á fundinum:

Klettaborg 43: 1.- 10. verkfundur dagsettir 16. og 29. maí, 13. og 27. júní, 25. júlí, 26. ágúst, 5. og 26. september, 17. og 31. október 2019.

Fylgiskjöl

• Klettaborg 43 - Uppsteypa og frágangur - Verkfundur 1-10 - 2019.pdf

Heimsókn í íþróttahús Glerárskóla til þess að skoða framkvæmdina.