Umhverfis- og mannvirkjaráð - 144

Lagt fram minnisblað varðandi endurnýjun á samningum við Sjúkratryggingar Íslands um sjúkraflutninga.

Gunnar Rúnar Ólafsson slökkviliðsstjóri Slökkviliðs Akureyrar sat fundinn undir þessum lið.

Umhverfis- og mannvirkjaráð áréttar mikilvægi þess að faglega sé staðið að starfsemi sjúkraflutninga á landi og í lofti. Til að svo geti orðið er brýnt að ríkið fjármagni sinn hlut í verkefninu með viðunandi hætti og leggi fram þann búnað sem nauðsynlegur er.

Lagt fram minnisblað dagsett 23. ágúst 2023 varðandi opnun verðfyrirspurnar vegna kaupa á girðingu á KA svæðinu. Eitt tilboð barst fyrir auglýstan tíma.

Sigurður Gunnarsson verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir að taka tilboði í girðinguna.

Staðan á framkvæmdum við félagsaðstöðu í Skautahöllinni á Akureyri kynnt.

Sigurður Gunnarsson verkefnastjóri nýframkvæmda sat fundinn undir þessum lið.

Lagður fram til umræðu undirbúningur að eignfærsluáætlun vegna áranna 2024-2027.

Sigurður Gunnarsson verkefnastjóri nýframkvæmda og Jónas Valdimarsson verkefnastjóri hönnunar sátu fundinn undir þessum lið.

Farið yfir stöðuna á undirbúningi við byggingu þjónustuíbúða í Nonnahaga.

Staða framkvæmda við stíg inn Glerárdal kynnt.

Lagt fram minnisblað varðandi framlenginu á samningum um slátt á Akureyri.

Umhverfis- og mannvirkjaráð samþykkir að framlengja samningana um eitt ár.

Lagt fram minnisblað varðandi uppsögn á leigu beitarhólfa í Skjaldarvík.

Umhverfis- og mannvirkjaráð samþykkir að segja upp samningi um beitarhólf í Skjaldarvík.

Lögð fram húsaleiguáætlun fyrir árið 2024.

Umhverfis- og mannvirkjaráð samþykkir framlagða húsaleiguáætlun.