Umhverfis- og mannvirkjaráð - 103

Upplýst var um áhuga Regins hf. á því að kaupa af Akureyrarbæ fasteign undir kirkjutröppunum.

Umhverfis- og mannvirkjaráð felur sviðsstjóra að vinna málið áfram samhliða endurnýjun á tröppum.

Lögð fram stöðuskýrsla dagsett 15. júní 2021. Þar er gerð grein fyrir kostnaði við verkefnið og stöðu þess.

Tekið fyrir minnisblað dagsett 15. júní 2021 og skýrsla dagsett í mars 2021 varðandi uppbyggingu á fjallahjólabrautum á Akureyri.

Umhverfis- og mannvirkjaráð tekur jákvætt í áframhaldandi uppbyggingu á fjallahjólabrautum á Akureyri og þakkar fyrir vandaða skýrslu.

Umhverfis- og mannvirkjaráð samþykkir fyrir sitt leyti framkvæmdir við braut í Hlíðarfjalli og felur sviðsstjóra að vinna að brautum innan þéttbýlismarka í samvinnu við skipulagssvið.

Lögð fram stöðuskýrsla dagsett 23. júní 2021 varðandi framkvæmdir við körfuboltavöll á lóð Glerárskóla.

Umhverfis- og mannvirkjaráð lýsir yfir ánægju með verkefnið.

Lagt fram minnisblað dagsett 23. júní 2021 varðandi lagningu ljósleiðara út í Hrísey.

Umhverfis- og mannvirkjaráð samþykkir verkefnið fyrir sitt leyti og óskar eftir viðauka til bæjarráðs að fjárhæð kr. 24 milljónir. Heildarkostnaður er kr. 30 milljónir og styrkur að fjárhæð kr. 6 milljónir hefur fengist frá fjarskiptasjóði samgöngu- og sveitarstjórnarráðuneytisins.

Lagt fram minnisblað dagsett í maí 2021 varðandi tilfærslu á 6 milljónum króna innan áætlunar.

Umhverfis og mannvirkjaráð samþykkir tilfærsluna innan fræðslu- og uppeldismála. Fært er af liðnum "Síðuskóli eldhús" sem hefur farið hægar af stað en áætlað var og yfir á liðinn "Endurbætur vegna inntöku ungbarna á leikskóla".

Lagt fram minnisblað dagsett 16. júní 2021 varðandi innleiðingu á endurbættu strætókerfi á Akureyri. Stóð til að hefja innleiðingu á kerfinu núna í sumar.

Umhverfis og mannvirkjaráð frestar innleiðingu á nýju leiðakerfi til 1. ágúst 2022.

Ekki er talið raunhæft að innleiða það fyrr. Útfæra þarf vaktaplan í ljósi vinnutímastyttingar og kostnaðaráætlun við nýtt kerfi í heild sinni, en forsenda fyrir þróun á nýju kerfi var á sínum tíma að ekki yrði aukning á rekstrarkostnaði. Kanna þarf betur ýmsar útfærslur á leiðakerfinu áður en til innleiðingar kemur.

Lögð fram stöðuskýrsla dagsett 23. júní 2021 varðandi framkvæmdir á stíg fram Glerárdal og að Lamba.

Tekið fyrir erindi frá Hyrnu ehf. vegna kostnaðar við byggingu leikskólans.

Umhverfis- og mannvirkjaráð frestar afgreiðslu málsins.