Umhverfis- og mannvirkjaráð - 145

Lagt fram bréf dagsett 6. júlí 2023 frá Bændasamtökum Íslands varðandi lausagöngu búfjár.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð felur starfsmönnum umhverfis- og mannvirkjasviðs að leggja fram tillögu að endurskoðaðri samþykkt um búfjárhald í lögsagnarumdæmi Akureyrar.

Lagt fram minnisblað dagsett 1. september 2023 varðandi kaup á bifreið.

Umhverfis- og mannvirkjaráð samþykkir að keyptur verði rafmagnsbíll fyrir allt að kr. 5.000.000. Fjárfestingin verði tekin af liðnum stofnbúnaður fyrir aðalsjóð og bifreiðin eignfærð í fasteignum.

Lagt fram minnisblað dagsett 25. ágúst 2023 vegna þeirra stóru viðhaldsverkefna sem hafa komið upp og stöðu þeirra.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð samþykkir að óska eftir viðauka til bæjarráðs að upphæð kr. 150.000.000 á liðinn viðhald fasteigna Akureyrarbæjar vegna stórra verkefna í ófyrirséðu viðhaldi sem komu upp á þessu ári og aðlögunar skólahúsnæðis í tengslum við fjölgun leikskólaplássa.

Lögð fram til umræðu drög að fjárfestingaráætlun vegna áranna 2024-2027 og stöðu verkefna á árinu 2023.

Lagðar fram til umræðu gjaldskrár umhverfis- og mannvirkjasviðs.