Umhverfis- og mannvirkjaráð - 78

Tekið fyrir erindi sem barst vegna sjávarhæðarmælis við Akureyri.

Jónas Valdimarsson verkefnastjóri hönnunar sat fundinn undir þessum lið.

Umhverfis- og mannvirkjaráð samþykkir að farið verði í verkefnið enda rúmist það innan fjárhagsáætlunar.

Lögð fram stöðuskýrsla á verkefninu dagsett 13. maí 2020.

Jónas Valdimarsson verkefnastjóri hönnunar sat fundinn undir þessum lið.

Lögð fram stöðuskýrsla á verkefninu dagsett 12. maí 2020.

Jónas Valdimarsson verkefnastjóri hönnunar sat fundinn undir þessum lið.

Lagt fram minnisblað dagsett 13. maí 2020 varðandi viðhald og smíði fjallahjólabrauta.

Tómas Björn Hauksson forstöðumaður nýframkvæmda sat fundinn undir þessum lið.

Umhverfis- og mannvirkjaráð samþykkir erindið og leggur til að kostnaður upp á kr. 10.000.000 verði tekinn af fjármagni innan gangstétta og stíga enda rúmist það innan áætlunar.

Lagt fram minnisblað dagsett 14. maí 2020 varðandi byggingu nýs stiga frá Gilsbakkavegi að Kaupvangsstræti.

Jónas Valdimarsson verkefnastjóri hönnunar sat fundinn undir þessum lið.

Umhverfis- og mannvirkjaráð samþykkir að farið verði í framkvæmdina og að kostnaður verði tekinn af göngustígum og stígum.

Lagt fram minnisblað dagsett 14. maí 2020 varðandi framkvæmd á götu efst í Gilsbakkavegi.

Jónas Valdimarsson verkefnastjóri hönnunar sat fundinn undir þessum lið.

Umhverfis- og mannvirkjaráð samþykkir fyrir sitt leyti að farið verði í færslu á götunni. Samþykkt með fyrirvara um skiptingu kostnaðar.

Farið var yfir greinargerð vinnuhóps um framtíðarsýn í sorpmálum.

Jón Birgir Gunnlaugsson verkefnastjóri umhverfismála og Rut Jónsdóttir forstöðumaður umhverfis- og sorpmála sátu fundinn undir þessum lið.

Umhverfis- og mannvirkjaráð leggur til að ekki verði nýtt uppsagnarákvæði í samningi við Terra ehf. og standi samningurinn þess vegna til 2022. Ráðið leggur áherslu á að þær umbætur sem eru í gangi á athafnasvæðum Terra klárist.

Umhverfis- og mannvirkjaráð óskar eftir því að notkun límmiða og sekta vegna óflokkaðs rusls í tunnum við heimili verði aukin umtalsvert.

Umhverfis- og mannvirkjaráð óskar eftir því að farið verði í flokkunar- og fræðsluátak með áherslu á fyrirtæki jafnt og heimili.

Minnisblöð dagsett 11. maí 2020 lögð fyrir ráðið varðandi umgengnisreglur, gjaldskrá og samning um moldarlosunarsvæði að Jaðri.

Jón Birgir Gunnlaugsson verkefnastjóri umhverfismála og Rut Jónsdóttir forstöðumaður umhverfis- og sorpmála sátu fundinn undir þessum lið.

Umhverfis- og mannvirkjaráð samþykkir drögin að umgengnisreglum og gjaldskrá með þeim breytingum sem ræddar voru á fundinum og felur umhverfis- og mannvirkjasviði að vinna málið áfram. Gjaldskrá taki gildi 1. ágúst 2020. Ráðið leggur áherslu á að aðstaða til losunar í Réttarhvammi verði bætt fyrir minni losanir.

Minnisblað dagsett 6. maí 2020 varðandi atvinnuátaksverkefnið lagt fyrir ráðið.

Jón Birgir Gunnlaugsson verkefnastjóri umhverfismála og Rut Jónsdóttir forstöðumaður umhverfis- og sorpmála sátu fundinn undir þessum lið.

Umhverfis- og mannvirkjaráð samþykkir að óska eftir viðauka til bæjaráðs upp á kr. 10.000.000 vegna verkefnisins og færist það inn á 1000 - 1114110 og dreifist yfir júní til ágúst.

Lagt fyrir ráðið bréf frá Sýslumanninum á Akureyri dagsett 13. maí 2020 varðandi friðlýsingu á hluta Hríseyjar vegna æðarvarps og skipulag æðarvarps í eyjunni rætt almennt.

Jón Birgir Gunnlaugsson verkefnastjóri umhverfismála og Rut Jónsdóttir forstöðumaður umhverfis- og sorpmála sátu fundinn undir þessum lið.

Breytt gjaldskrá fyrir bílastæðasjóð lögð fyrir ráðið.

Umhverfis- og mannvirkjaráð samþykkir framlagða gjaldskrá.

Tekin fyrir ósk um fjárveitingu til kaupa á stofnbúnaði í þjónustukjarna fyrir fatlað fólk í Klettaborg.

Umhverfis- og mannvirkjaráð samþykkir búnaðarkaup upp á kr. 4.800.000 og að þau verði tekin af liðnum búnaðarkaup í áætlun sviðsins.