Umhverfis- og mannvirkjaráð - 143

Staða á framkvæmdum við Síðuskóla og Oddeyrarskóla kynnt vegna innritunar á 12 mánaða börnum.

Steindór Ívar Ívarsson forstöðumaður viðhalds sat fundinn undir þessum lið.

Lagt fram minnisblað dagsett 14. ágúst 2023 varðandi mikið viðhald á leiguíbúðum Akureyrarbæjar á árinu.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð samþykkir að óska eftir viðauka til Bæjarráðs að upphæð kr. 50 milljónir í viðhald leiguíbúða Akureyrarbæjar.



Gunnar Már Gunnarsson B-lista, Jana Salóme Ingibjargar Jósepsdóttir V-lista og Sindri Kristjánsson S-lista óska bókað:

Brýn þörf er að endurskoða þann ramma sem settur er viðhaldi á félagslegu leiguhúsnæði Akureyrarbæjar. Við leggjum til að við gerð fjárhagsáætlunar árið 2024 verði 2% af brunabótamati félagslegra leiguíbúða sett í viðhald á þeim.

Lagt fram minnisblað dagsett 14. apríl 2023 varðandi viðhald og gerð flóttastiga við Ráðhúsið á Akureyri.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð óskar eftir frekari útfærslum á flóttastiga og framkvæmdaáætlun fyrir þá framkvæmd.

Tekið fyrir erindi:

Fræðslu- og lýðheilsuráð tók fyrir erindi dagsett 24. júlí 2023 frá Jóni Benedikt Gíslasyni framkvæmdarstjóra Skautafélags Akureyrar þar sem óskað er eftir framlagi til kaupa á búnaði fyrir nýja félagsaðstöðu í Skautahöllinni.

Áheyrnarfulltrúar: Helga Björg Ingvadóttir fulltrúi ÍBA og Telma Ósk Þórhallsdóttir fulltrúi ungmennaráðs.



Fræðslu- og lýðheilsuráð sækir um 15 m.kr. í búnaðarsjóð umhverfis- og mannvirkjasviðs og samþykkir jafnframt að bera lausafjárleigu vegna kaupanna.

Umhverfis- og mannvirkjaráð samþykkir að taka kr. 15 milljónir af liðnum Stofnbúnaður fyrir aðalsjóð.

Skýrsla SSNE um endurheimt votlendis lögð fram til kynningar ásamt minnisblaði umhverfis- og mannvirkjasviðs um skýrsluna.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð samþykkir umsögn vegna endurheimtar á votlendi og kannaður verði möguleiki á frekari endurheimt votlendis í Krossanesborgum.

Kynnt staða á gerð þriggja leikvalla í Naustahverfi.

Rut Jónsdóttir forstöðumaður umhverfis- og sorpdeildar og Jón Birgir Gunnlaugsson verkefnastjóri umhverfis- og sorpmála sátu fundinn undir þessum lið.

Lagt fram minnisblað dagsett 14. ágúst 2023 varðandi fyrirhugað útboð á snjómokstri á Akureyri.

Þann 13. júlí 2023 tilkynnti Vegagerðin að frá og með september 2023 muni Vegagerðin taka yfir og sjá um vetrarþjónustu þ.e. snjómokstur og hálkuvarnir á vegum Vegagerðarinnar innan þéttbýlisins á Akureyri. Reiknað er með að Vegagerðin taki yfir alla þjónustu sem Akureyrarbær hefur sinnt fyrir Vegagerðina.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð samþykkir að farið verði í útboð á snjómokstri og hálkuvörnum til næstu þriggja ára með möguleika á framlengingu í eitt ár.



Umhverfis- og mannvirkjaráð felur umhverfis- og mannvirkjasviði að eiga áframhaldandi samtal um útfærslu á verkefnum Vegagerðarinnar í bæjarlandinu og hvernig samvinnu er háttað á skurðpunktum við götur og stíga í bæjarlandinu. Vísað er til umræðna á fundinum.

Lögð fram minnisblöð dagsett 12. júlí og 14. ágúst 2023 varðandi jarðsig í Hlíðarfjalli.

Magnús Arturo Batista svæðisstjóri í Hlíðarfjalli sat fundinn undir þessum lið.

Umhverfis- og mannvirkjaráð þakkar fyrir kynninguna.

Lögð fram rekstrarskýrsla fyrir umhverfis- og mannvirkjasvið frá 1. janúar 2023 til 14. ágúst 2023.