Umhverfis- og mannvirkjaráð - 155

Lögð fram til samþykktar Brunavarnaáætlun Slökkviliðs Akureyrar 2023-2027.

Gunnar Rúnar Ólafsson slökkviliðsstjóri Slökkviliðs Akureyrar og Maron Pétursson aðstoðarslökkviliðsstjóri sátu fundinn undir þessum lið.

Umhverfis- og mannvirkjaráð samþykkir fyrir sitt leyti Brunavarnaáætlun Slökkviliðs Akureyrar 2023-2027 og vísar henni til bæjarstjórnar.

Lögð fram til samþykktar Samþykkt um bifreiðastæðasjóð Akureyrarbæjar.

Umhverfis- og mannvirkjaráð samþykkir samþykktina og vísar henni til bæjarráðs.

Lagðar fram til samþykktar Verklagsreglur um breytingar á gjaldskyldu og flokkun bifreiðastæða og verklag við eftirlit, framfylgd reglna og rekstur bifreiðastæða.

Umhverfis- og mannvirkjaráð samþykkir verklagsreglurnar með þeim breytingum sem gerðar voru á fundinum og vísar þeim til skipulagsráðs.

Lagt fram minnisblað dagsett 2. febrúar 2024 varðandi kaup á asfalti/tjöru til malbiksgerðar.

Dóra Sif Sigtryggsdóttir forstöðumaður rekstrardeildar og umhverfismiðstöðvar og Arnór Þorri Þorsteinsson verkefnastjóri á umhverfismiðstöð sátu fundinn undir þessum lið.

Umhverfis- og mannvirkjaráð felur umhverfis- og mannvirkjasviði að ganga frá samningi um kaup á asfalti fyrir framleiðslu malbiks á árinu 2024.

Fylgiskjöl

• 2023 Malbikunarstöð Asfalt_MB01_20240202.pdf

Lagt fram minnisblað dagsett 31. janúar 2024 varðandi umferðaröryggi um Hofsbót 1 frá Hofi og upp í miðbæ Akureyrar.

Jónas Valdimarsson verkefnastjóri hönnunar sat fundinn undir þessum lið.

Umhverfis- og mannvirkjaráð telur mikilvægt að tryggja umferðaröryggi þeirra sem ekki eru á bíl á umræddu svæði eins fljótt og auðið er og vísar málinu til skipulagsráðs.

Lagt fram minnisblað dagsett 2. febrúar 2024 varðandi umsögn um fyrirhugaða lögn Norðurorku í gegnum land Akureyrarbæjar í Skjaldarvík.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð leggur til að lögnin fari í gegn nær Dagverðareyrarvegi nr. 816 samhliða núverandi lögnum og/eða komi upp sú staða að færa þurfi lögnina þá sé það gert á kostnað eiganda lagnarinnar samanber Reglur um lagnir í landi Akureyrarbæjar. Málinu er vísað til bæjarráðs til afgreiðslu.

Fylgiskjöl

• Hörgársveit Hagabyggð Glæsibæ ný KV stofn VB046553.pdf

Lagt fram minnisblað dagsett 2. febrúar 2024 varðandi smáverkaútboð.

Steindór Ívar Ívarsson forstöðumaður viðhalds sat fundinn undir þessum lið

Lagt fram minnisblað dagsett 2. febrúar 2024 varðandi fjölgun salerna í Lystigarðinum á Akureyri.

Jón Birgir Gunnlaugsson verkefnastjóri á umhverfisdeild sat fundinn undir þessum lið.

Umhverfis- og mannvirkjaráð telur brýnt að bæta salernisaðstöðu í Lystigarðinum fyrir sumarið og vísar málinu til bæjarráðs.

Lögð fram skýrsla dagsett í desember 2023 varðandi vöktun urðunarstaðar á Glerárdal árið 2023.

Rut Jónsdóttir forstöðumaður umhverfis- og sorpmála og Jón Birgir Gunnlaugsson verkefnastjóri á umhverfisdeild sátu fundinn undir þessum lið.

Inga Dís Sigurðardóttir M-lista vék af fundi undir þessum lið.

Lögð fram drög að samkomulagi um samstarf um vinnu vegna verkefna sem snúa að umhverfis- og mannvirkjasviði Akureyrarbæjar.

Rut Jónsdóttir forstöðumaður umhverfis- og sorpmála, Ísak Már Jóhannesson verkefnastjóri úrgangs- og loftlagsmála og Jón Birgir Gunnlaugsson verkefnastjóri á umhverfisdeild sátu fundinn undir þessum lið.

Umhverfis- og mannvirkjaráð telur starfsemi Vistorku gríðarlega mikilvæga í tengslum við umhverfismál og loftslagsvá og telur augljóst að Akureyrarbær haldi áfram samstarfi við félagið. Umhverfis- og mannvirkjaráð samþykkir samningsdrögin og felur sviðsstjóra að klára samninginn.

Lagt fram minnisblað dagsett 1. febrúar 2024 varðandi úrgangsmál og stöðuna á innleiðingu á nýju sorphirðukerfi.

Rut Jónsdóttir forstöðumaður umhverfis- og sorpmála og Ísak Már Jóhannesson verkefnastjóri úrgangs- og loftlagsmála sátu fundinn undir þessum lið.

Lagt fram minnisblað dagsett 2. febrúar 2024 varðandi framlengingu á samningi við Meindýravarnir Eyjafjarðar til næstu tveggja ára.

Rut Jónsdóttir forstöðumaður umhverfis- og sorpmála og Jón Birgir Gunnlaugsson verkefnastjóri á umhverfisdeild sátu fundinn undir þessum lið.

Umhverfis- og mannvirkjaráð samþykkir að framlengja samninginn til tveggja ára.

Lagt fram minnisblað dagsett 2. febrúar 2024 varðandi útboð á byggingu á félagsaðstöðu og stúku við KA.

Kristján Snorrason verkefnastjóri nýframkvæmda sat fundinn undir þessum lið.

Lagðar fram til samþykktar verklagsreglur um yfirborðsfrágang vegna framkvæmda í bæjarlandinu.

Tómas Björn Hauksson verkefnastjóri nýframkvæmda og viðhalds gatna og Eiríkur Jónasson verkefnastjóri viðhalds gatna og stíga sátu fundinn undir þessum lið.

Umhverfis- og mannvirkjaráð samþykkir verklagsreglurnar fyrir sitt leyti og vísar þeim til skipulagsráðs.