Umhverfis- og mannvirkjaráð - 163

Kynning á niðurstöðu dómsmáls varðandi snjómokstur á Akureyri.

Inga Þöll Þórgnýsdóttir bæjarlögmaður sat fundinn undir þessum lið.

Fylgiskjöl

• Snjó-dómur.pdf

Lagðar fram teikningar af fyrirhuguðum framkvæmdum í Austursíðu.

Jónas Valdimarsson verkefnastjóri hönnunar sat fundinn undir þessum lið.

Umhverfis- og mannvirkjaráð leggur til að hámarkshraði í Austursíðu verði endurskoðaður þar sem íbúar í hverfinu hafa áhyggjur af umferðaröryggi á svæðinu.



Hilda Jana Gísladóttir S-lista óskar bókað:

Þann 15. mars árið 2022 hóf ég umræðu um umferðaröryggimál á Akureyri og samþykkti bæjarstjórn þá tillögu mína um að hefja undirbúning að gerð umferðaröryggisáætlunar. Því miður er sú vinna enn ekki hafin og því ekki til nein umferðaröryggisáætlun fyrir sveitarfélagið. Á íbúafundi í Síðuhverfi í liðnum mánuði lögðu íbúar mikla áherslu á bætt umferðaröryggi í Austursíðu og eru þessar tvær gangbrautir, sem hér eru til umræðu sannarlega til bóta. Hins vegar er ljóst að ef mæta á ákalli íbúa þá þarf einnig að horfa til fleiri úrræða t.d. gönguþveranir við Bugðusíðu og Fögrusíðu, lækka umferðarhraða og bæta við hraðahindrunum. Ef ljóst er að framtíðarlausnir í umferðaröryggismálum muni taka einhvern tíma í framkvæmd þá er mikilvægt að horfa til bráðabirgðalausna, ekki síst á svæðum þar sem mikil uppbygging á sér stað á skömmum tíma líkt og raunin hefur verið við Austursíðu.

Fylgiskjöl

• Austursíða - gangbrautir - 2024.pdf

Lagt fram minnisblað dagsett 31. maí 2024 varðandi stöðuna á innleiðingu nýs sorphirðukerfis.

Jón Birgir Gunnlaugsson verkefnastjóri umhverfismála og Ísak Már Jóhannesson verkefnastjóri úrgangs- og loftlagsmála sátu fundinn undir þessum lið.

Kynntur styrkur sem Akureyrarbær fékk frá European City Facility til þróunar á fjárfestingum í orkuskiptum.

Jón Birgir Gunnlaugsson verkefnastjóri umhverfismála og Ísak Már Jóhannesson verkefnastjóri úrgangs- og loftlagsmála sátu fundinn undir þessum lið.

Umhverfis- og mannvirkjaráð fagnar því að Akureyrarbær hafi fengið umræddan styrk til þróunar á fjárfestingum í orkuskiptum, í samvinnu við Vistorku, Eim og Líforkuver ehf.

Lagt fram minnisblað dagsett 31. maí 2024 varðandi þrjár styrkumsóknir sem Akureyrarbær sendi inn til Ferðamálasjóðs varðandi verkefni í Hrísey, í Hlíðarfjalli og á Glerárdal. Umsóknum um styrk til verkefna á Glerárdal og í Hlíðarfjalli var hafnað en umsókn um styrk til stígagerðar í Hrísey var samþykkt.

Jón Birgir Gunnlaugsson verkefnastjóri umhverfismála sat fundinn undir þessum lið.

Kynning á stígagerð og viðhaldi sumarið 2024.

Jón Birgir Gunnlaugsson verkefnastjóri umhverfismála sat fundinn undir þessum lið.

Fylgiskjöl

• Stígar 2023-2024-1.pdf

Lagt fram minnisblað dagsett 31. maí 2024 varðandi útplöntun í bæjarlandinu.

Jón Birgir Gunnlaugsson verkefnastjóri umhverfismála sat fundinn undir þessum lið.

Fylgiskjöl

• Útplöntun 2024.pdf