Umhverfis- og mannvirkjaráð - 164

Lögð fram drög að verðfyrirspurn varðandi gerð umferðaröryggisáætlunar.

Umhverfis- og mannvirkjaráð samþykkir að framkvæmd verði verðkönnun vegna gerðar umferðaröryggisáætlunar Akureyrarbæjar í samræmi við leiðbeiningar Vegagerðarinnar um umferðaröryggisáætlanir sveitarfélaga.

Liður 6 í fundargerð fræðslu- og lýðheilsuráðs dagsettri 11. mars 2024:

Erindi frá réttindaráði Giljaskóla dagsett 29. febrúar 2024 varðandi öryggi nemenda á bílastæðum.

Áheyrnarfulltrúar: Anna Lilja Sævarsdóttir fulltrúi leikskólastjóra, Hanna Dóra Markúsdóttir fulltrúi grunnskólakennara, Helga Jónasdóttir fulltrúi foreldra grunnskólabarna, Helena Kristín Gunnarsdóttir fulltrúi foreldra leikskólabarna, Jóhanna María Agnarsdóttir fulltrúi grunnskólastjóra og Telma Ósk Þórhallsdóttir fulltrúi ungmennaráðs.

Fræðslu- og lýðheilsuráð þakkar réttindaráði Giljaskóla fyrir erindið og tekur undir áhyggjur þess varðandi öryggismál og bílaumferð á bílastæði Giljaskóla, Kiðagils og Íþróttamiðstöð Giljaskóla. Fræðslu- og lýðheilsuráð vísar málinu til umhverfis- og mannvirkjaráðs.

Umhverfis- og mannvirkjaráð þakkar réttindaráði Giljaskóla fyrir erindið og tekur undir áhyggjur þess varðandi öryggismál og bílaumferð á bílastæði Giljaskóla, Kiðagils og Íþróttamiðstöð Giljaskóla.

Umhverfis- og mannvirkjaráð vísar málinu til fjárhagsáætlunargerðar fræðslu- og lýðheilsuráðs þar sem verkið er ekki á framkvæmdaáætlun 2024-2027.



Hilda Jana Gísladóttir S-lista óskar bókað:

Síðastliðin 4 ár hefur ítrekað verið vakin athygli á áhyggjum af öryggismálum og bílaumferð á bílastæði Giljaskóla, Kiðagils og Íþróttamiðstöð Giljaskóla. Þrátt fyrir það eru slíkar umbætur ekki á framkvæmdaáætlun Akureyrarbæjar næstu þrjú árin. Það ætti hins vegar að vera forgangsmál að tryggja öryggi barna og því nauðsynlegt að fara í umbætur á svæðinu án tafar.

Lagt fram opnunarblað dagsett 6. júní 2024 vegna verðfyrirspurnar um gerð stígs frá afleggjaranum upp að Hömrum og inn í Kjarnaskóg til suðurs. Þrjú tilboð bárust frá Finni ehf., Nesbræðrum ehf. og Þverá Golfi ehf.

Umhverfis- og mannvirkjaráð samþykkir að gengið verði til samninga við lægstbjóðanda Nesbræður ehf. að upphæð krónur 33.265.777.

Lagt fram minnisblað dagsett 14. júní 2024 varðandi leiksvæði í Hagahverfi.

Jón Birgir Gunnlaugsson verkefnastjóri umhverfismála sat fundinn undir þessum lið.

Umhverfis- og mannvirkjaráð felur umhverfis- og mannvirkjasviði að bæta við leiktækjum á núverandi leiksvæðum og að gera nýtt leiksvæði í Naustagili.

Liður 6 í fundargerð fræðslu- og lýðheilsuráðs dagsettri 26. febrúar 2024:

Lagt fram minnisblað skólastjóra Giljaskóla og sviðsstjóra fræðslu- og lýðheilsusviðs um endurbætur og breytingar á húsnæði Giljaskóla.

Fræðslu- og lýðheilsuráð tekur undir þær ábendingar sem fram koma í minnisblaðinu og vísar málinu til umræðu í umhverfis- og mannvirkjaráði.

Umhverfis- og mannvirkjaráð vísar málinu til fjárhagsáætlunargerðar fræðslu- og lýðheilsuráðs þar sem verkið er ekki á framkvæmdaáætlun 2024-2027.

Farið yfir stöðuna á framkvæmdum við kirkjutröppurnar og sagt frá handriði við Akureyrarkirkju.

Sigurður Gunnarsson verkefnastjóri nýframkvæmda sat fundinn undir þessum lið.

Fylgiskjöl

• Myndir 3.pdf
• Minnisblað framkvæmdir kirkja og tröppur.pdf

Lagt fram minnisblað dagsett 14. júní 2024 varðandi opnun tilboða í frágang innanhúss í vélaskemmu uppi í Hlíðarfjalli. Níu tilboð bárust í fimm flokka.

Umhverfis- og mannvirkjaráð samþykkir að ganga til samnninga við lægstbjóðanda í hverjum flokki.

Lagnastýringu ehf. í lögnum, Blikkrás ehf. í blikksmíði, Raftó ehf. í raflögnum, Málningarfélaginu ehf. í málningu og Vélsmiðju Steindórs ehf. í stálsmíði.

Lagt fram minnisblað dagsett 14. júní 2024 varðandi umsókn um lóð í Sjafnarnesi fyrir geymslusvæði á vegum Akureyrarbæjar.

Mikilvægt er að bjóða upp á geymslusvæði á Akureyri til að tryggja einstaklingum og fyrirtækjum svæði til geymslu fyrir ýmislegt til lengri og skemmri tíma. Þannig eru einnig skapaðir möguleikar til að fegra bæinn. Umhverfis- og mannvirkjaráð sækir því um umræddar lóðir í Sjafnarnesi og felur sviðsstjóra að leggja fram kostnaðarmat vegna verkefnisins.

Lagt fram minnisblað dagsett 14. júní 2024 varðandi umsókn um lóð fyrir nýja slökkvistöð.

Umhverfis- og mannvirkjaráð sækir um umrædda lóð fyrir slökkviliðið og felur sviðsstjóra að ganga frá því.