Umhverfis- og mannvirkjaráð - 139

Rekstur umhverfis- og mannvirkjasviðs fyrstu 3 mánuði ársins tekinn fyrir.

Lagt fram minnisblað dagsett 12. maí 2023 varðandi opnun tilboða á endurbótum á hluta Hlíðarbrautar og Austursíðu.

Umhverfis- og mannvirkjaráð samþykkir að ganga til samninga við lægstbjóðanda Malbikun Akureyrar.

Lagt fram minnisblað dagsett 12. maí 2023 varðandi opnun tilboða á endurbótum á gangstéttum.

Umhverfis- og mannvirkjaráð samþykkir að ganga til samninga við lægstbjóðanda Malbikun Akureyrar.

Lögð fram gögn varðandi framkvæmdir á bílastæði við Krossanesborgir.

Jónas Valdimarsson verkefnastjóri hönnunar og Jón Birgir Gunnlaugsson verkefnastjóri umhverfis- og sorpmála sátu fundinn undir þessum lið.

Umhverfis- og mannvirkjaráð tekur vel í verkefnið og felur starfsmönnum að vinna málið áfram.

Ásamt Glerárdal eru Krossanesborgir sá fólkvangur sem við eigum og höfum skuldbundið okkur til að halda í sinni náttúrulegu mynd, enda viljum við njóta svæðisins þannig. Þær hugmyndir sem eru kynntar eru áhugaverðar en gæta þarf að því að enn er mikið verk að vinna í almennum frágangi innan svæðisins, þannig að verndun náttúru og umhverfis sé tryggð og auðvelt sé að fara um þá stíga sem hafa verið lagðir.

Tekin umræða um skipulag og undirbúning á gerð framkvæmdaáætlunar fyrir árin 2024-2027.

Lögð fram gögn varðandi hönnun og framtíðarsýn á reiðhjólaskýlum í Akureyrarbæ.

Umhverfis- og mannvirkjaráð felur starfsfólki að vinna áfram að útfærslum og kynna niðurstöðurnar fyrir ráðinu.

Lagt fram minnisblað dagsett 12. maí 2023 varðandi viðhald og framkvæmdir á Sundlaug Glerárskóla.

Umhverfis- og mannvirkjaráð vísar málinu til undirbúningsvinnu vegna fjárfestingaráætlunar vegna 2024-2027.

Lagt fram minnisblað dagsett 12. maí 2023 varðandi viðhald og framkvæmdir á íþróttagólfi Síðuskóla.

Umhverfis- og mannvirkjaráð vísar málinu til undirbúningsvinnu vegna fjárfestingaráætlunar vegna 2024-2027.

Lagt fram minnisblað dagsett 12. maí 2023 varðandi viðhald og framkvæmdir á íþróttagólfi KA.

Umhverfis- og mannvirkjaráð vísar málinu til undirbúningsvinnu vegna fjárfestingaráætlunar vegna 2024-2027.

Lagt fram minnisblað dagsett 12. maí 2023 varðandi búnaðarkaupasjóð UMSA.

Liður 1 í fundargerð fræðslu- og lýðheilsuráðs dagsettri 24. apríl 2023:

Tekið fyrir að nýju erindi dagsett 21. mars 2023 frá Reimari Helgasyni framkvæmdastjóra Þórs þar sem óskað er eftir kaupum á sláttuvél á íþróttasvæði Þórs. Erindið var áður á dagskrá 27. mars 2023.

Reimar Helgason framkvæmdastjóri Þórs sat fundinn undir þessum lið.

Áheyrnarfulltrúar: Helga Björg Ingvadóttir framkvæmdastjóri ÍBA og Telma Ósk Þórhallsdóttir fulltrúi ungmennaráðs.

Fræðslu- og lýðheilsuráð óskar eftir því við umhverfis- og mannvirkjasvið að kaupa sláttuvél samanber óskir félagsins til notkunar á félagssvæði Þórs og samþykkir jafnhliða að bera lausafjárleigu vegna búnaðarkaupanna.

Umhverfis- og mannvirkjaráð samþykkir að fjármagna kaup á sláttuvélinni að upphæð kr. 8 milljónir af liðnum stofnbúnaður fyrir aðalsjóð.

Fræðslu- og lýðheilsuráð tók fyrir erindi frá Ölfu Aradóttar forstöðumanni frístunda- og forvarnarmála á 30. fundi sínum þann 24. apríl 2023. Ráðið bókaði:



Lagt fram minnisblað forstöðumanns forvarna- og frístundamála og forstöðumanns skrifstofu en óskað er eftir samþykki fræðslu- og lýðheilsuráðs til að sækja um í búnaðarsjóð UMSA fyrir 3. og 4. hæðina í Rósenborg.

Fræðslu- og lýðheilsuráð sækir um 2,4 m.kr. í búnaðarsjóð umhverfis- og mannvirkjasviðs og samþykkir jafnframt að bera lausafjárleigu vegna kaupanna.

Umhverfis- og mannvirkjaráð samþykkir að fjármagna kaup á húsgögnunum að upphæð kr. 2,4 milljónir af liðnum stofnbúnaður fyrir aðalsjóð.

Lögð fram greinargerð dómnefndar dagsett 15. maí 2023 varðandi niðurstöðu dómnefndar í útboði á nýrri afþreyingu í Hlíðarfjalli.

Georg Fannar Haraldsson verkefnastjóri á rekstrardeild sat fundinn undir þessum lið.

Umhverfis- og mannvirkjaráð samþykkir niðurstöðu dómnefndar fyrir sitt leyti og vísar málinu til bæjarráðs.