Umhverfis- og mannvirkjaráð - 178

Tekin umræða um stöðuna á framkvæmdum við Móahverfi og framhaldið.

Tómas Björn Hauksson verkefnastjóri nýframkvæmda og viðhalds gatna sat fundinn undir þessum lið.

Lagt fram minnisblað dagsett 3. febrúar 2025 varðandi opnun tilboða á lýsingu á gervigrasvöll á Þórssvæðinu.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð frestar afgreiðslu málsins til 18. febrúar 2025.

Lögð fram stöðuskýrsla dagsett í janúar 2025 varðandi framkvæmdir við vélaskemmu í Hlíðarfjalli.

Kristján Snorrason verkefnastjóri nýframkvæmda sat fundinn undir þessum lið.

Umræða um farveg textíls á Akureyri og nytjagáma Rauðakrossins.

Jón Birgir Gunnlaugsson verkefnastjóri umhverfismála sat fundinn undir þessum lið.

Umhverfis- og mannvirkjaráð óskar eftir frekari upplýsingum um farveg textíls, magn og kostnað við förgun hans.



Ólafur Kjartansson V-lista óskar bókað:

Ég hvet umhverfis- og mannvirkjaráð til þess að biðja bæjarstjórn um að gangast fyrir því að stjórnvöld taki upp úrvinnslugjald á textíl.

Lagður fram úrskurður kærunefndar útboðsmála vegna kæru á útboði reksturs grenndarstöðva og gámasvæðis í sveitarfélaginu þar sem tilkynnt er að kröfum kæranda er hafnað.

Jón Birgir Gunnlaugsson verkefnastjóri umhverfismála sat fundinn undir þessum lið.

Lagt fram minnisblað dagsett 3. janúar 2025 varðandi meðhöndlun katta í bæjarfélaginu.

Jón Birgir Gunnlaugsson verkefnastjóri umhverfismála sat fundinn undir þessum lið.

Umhverfis- og mannvirkjaráð felur sviðsstjóra umhverfis- og mannvirkjasviðs, í samráði við bæjarlögmann, að gera drög að tilraunaverkefni um þjónustusamning við Kisukot, tímabundið til eins árs og leggja fyrir næsta fund ráðsins.



Ingimar Eydal B-lista situr hjá.



Ólafur Kjartansson V-lista leggur fram svohljóðandi bókun:

Það þarf að taka tillit til þess að kettir eru ekki tegund sem á heima í íslenskri náttúru og það stenst ekki verndarsjónarmið að sleppa heimlislausum köttum á víðavangi.

Lögð fram fundargerð frá fundi nefndarinnar þann 16. október 2024.

Umhverfis- og mannvirkjaráð vísar liðum 2 og 3 í fundargerð óshólmanefndar frá 16. október 2024 til skipulagsráðs.

Fylgiskjöl

• Fundargerð Óshólmanefndar 16-10-2024.pdf
• Óshólmar fundur 16-10-2024 fylgiskjal.pdf