Umhverfis- og mannvirkjaráð - 171

Þórgnýr Dýrfjörð forstöðumaður atvinnu- og menningarmála og María Helena Tryggvadóttir verkefnastjóri ferðamála sátu fundinn undir þessum lið og kynntu áfangastaðaáætlun fyrir Akureyrarbæ.

Kynning á áætluðum umsóknum í Ferðamálasjóð, að bæta aðgengi og öryggi fyrir útivist í Hlíðarfjalli að sumarlagi og merkingar í Grímsey.

Einnig var kynning á hugmyndum um útsýnisstaði á þaki Hofs.

Þórgnýr Dýrfjörð forstöðumaður atvinnu- og menningarmála og María Helena Tryggvadóttir verkefnastjóri ferðamála sátu fundin undir þessum lið.

Fylgiskjöl

• 0451-2-Menningarhúsið Hof - Útsýnispallur á þaki, tillaga.pdf
• afangastadaaaetlun-2021-2023-2023-uppfaersla.pdf

Lögð fram og kynnt drög að framkvæmdaáætlun fyrir árin 2025-2028.

Lögð fram skýrsla um fuglalíf við Hundatjörn í Naustaflóa vorið 2024.

Jón Birgir Gunnlaugsson verkefnastjóri umhverfismála sat fundinn undir þessum lið.

Fylgiskjöl

• Talning 2024.pdf

Lagt fram minnisblað dagsett 14. október 2024 varðandi lausnir á fráveitu frá Hótel Kjarnalundi.

Jón Birgir Gunnlaugsson verkefnastjóri umhverfismála sat fundinn undir þessum lið.

Umhverfis- og mannvirkjaráð telur mikilvægt að brugðist verði við hratt og örugglega og af fagmennsku, æskilegt er að framtíðarlausn verði komin á eigi síðar en fyrir lok árs 2025.

Ráðið styður bráðabirgðalausn númer eitt sem lögð er til í meðfylgjandi minnisblaði og felur sviðsstjóra umhverfis- og mannvirkjasviðs að vinna málið áfram í samræmi við það.

Fylgiskjöl

• Fráveita- Kjarnalundur 20241014bv.pdf

Lagt fram minnisblað dagsett 15. október 2024 varðandi fjárfestingu í veghefli fyrir ýmis heilsársverkefni umhverfismiðstöðvar.

Dóra Sif Sigtryggsdóttir forstöðumaður rekstrardeildar og umhverfismiðstöðvar, Engilbert Ingvarsson verkstjóri strætisvagna og ferliþjónustu og Arnór Þorri Þorsteinsson verkefnastjóri á umhverfismiðstöð sátu fundinn undir þessum lið.

Umhverfis- og mannvirkjaráð frestar afgreiðslu til næsta fundar.

Lagður fram viðauki við samning um kaup á steinefnum fyrir malbik og jöfnunarlag varðandi nýtingu framlengingarákvæðis núverandi samnings um eitt ár.

Dóra Sif Sigtryggsdóttir forstöðumaður rekstrardeildar og umhverfismiðstöðvar og Arnór Þorri Þorsteinsson verkefnastjóri á umhverfismiðstöð sátu fundinn undir þessum lið.

Umhverfis og mannvirkjaráð samþykkir framlenginguna.

Lagt fram minnisblað dagsett 11. október 2024 varðandi endurnýjun á lýsingu í Boganum vegna skorts á varahlutum í núverandi lýsingu og hærri viðhaldskostnaðar.

Umhverfis- og mannvirkjaráð frestar afgreiðslu.

Lagt fram minnisblað dagsett 11. október 2024 vegna opnunar tilboða í endurnýjun á innilaug Sundlaugar Akureyrar. Ellefu tilboð bárust í fimm af sjö flokkum útboðsins. Engin tilboð bárust í stálsmíði og sögun og múrbrot.

Umhverfis- og mannvirkjaráð samþykkir að taka lægstu gildu tilboðunum í lagnir, raflagnir og múrverk og hafnar tilboðum í húsasmíði og blikksmíði þar sem þau voru hátt yfir kostnaðaráætlun.

Í lögnum er samþykkt að semja við Lagnastýringu ehf. að upphæð kr. 36.838.600.

Í raflögnum er samþykkt að semja við Rafeyri ehf. að upphæð kr. 14.738.715.

Í múrverki er samþykkt að semja við Múrey ehf. að upphæð kr. 36.049.500.

Biðtími samningsgerðar er 5 dagar.

Lagt fram minnisblað dagsett 10. október 2024 varðandi breytingar á slökkvistöðinni til þess að mæta fjölgun í liðinu og kynjasamsetningu þess.

Lögð fram minnisblöð dagsett 7. og 11. október 2024 varðandi lengri opnunartíma á fimmtudögum og samantekt á viðhaldi á mannvirkjum í Hlíðarfjalli.