Umhverfis- og mannvirkjaráð - 121

Kynning á nýframkvæmdum fasteigna og gatna og stíga.

Lagt fram minnisblað dagsett 16. júní 2022 vegna opnunar tilboða í lagningu hitaveitu, raf- og fjarskiptalagna í Týsnesi.

Eitt tilboð barst í verkið frá Vélaleigu Halldórs G. Baldurssonar ehf.

Tómas Björn Hauksson forstöðumaður nýframkvæmda sat fundinn undir þessum lið.

Umhverfis- og mannvirkjaráð samþykkir tilboðið frá Vélaleigu Halldórs G. Baldurssonar ehf.

Tilboðið í hlut Akureyrarbæjar í verkinu var kr. 4.224.500 eða 113% af kostnaðaráætlun.

Lagt fram minnisblað dagsett 16. júní 2022 varðandi stofnstíga milli sveitarfélaga um Akureyri í samstarfi við Vegagerðina.

Jónas Valdimarsson verkefnastjóri tækni og hönnunar sat fundinn undir þessum lið.

Lögð fram stöðuskýrsla dagsett 16. júní 2022 vegna 1. áfanga verksins, Holtahverfi norður.

Tómas Björn Hauksson forstöðumaður nýframkvæmda sat fundinn undir þessum lið.

Lagt fram minnisblað dagsett 16. júní 2022 varðandi hönnunaráætlun og áfangaskiptingu fyrir verkið.

Tómas Björn Hauksson forstöðumaður nýframkvæmda sat fundinn undir þessum lið.

Lagt fram minnisblað dagsett 14. júní 2022 varðandi opnun tilboða í 2 snjótroðara.

Brynjar Helgi Ásgeirsson forstöðumaður Hlíðarfjalls sat fundinn undir þessum lið.

Umhverfis- og mannvirkjaráð samþykkir fyrir sitt leyti kaup á tveimur uppteknum snjótroðurum af tegund Pisten Bully samkvæmt lægsta tilboði frá Arctic Trucks fyrir hönd Pisen Bully. Kostnaður að meðtöldum aukabúnaði er kr. 118.733.761. Greiða þarf um 18 milljónir króna á árinu 2022 en afganginn 2023 þ.e. um 101 milljón króna. Eftirstöðvar fjárveitinga til búnaðarkaupa á árinu 2022 eru um 16 milljónir króna en á árinu 2023 voru áætlaðar 55 milljónir króna. Óskað er eftir samþykki bæjarráðs fyrir að bæta við um 8 milljónum króna á árinu 2022 og um 52 milljónir króna á árinu 2023.



Niðurstöður opnunar eftir yfirferð þar sem auka olíutankur á spil snjótroðara er bætt við:

Artic Trucks - Pisten Bully kr. 110.273.076

Rafstilling - Prinoth kr. 135.093.865

Rafstilling - Prinoth kr. 147.409.222



Niðurstaða opnunar eftir yfirferð að viðbættum snjódýptarmæli á spil snjótroðara:

Artic Trucks - Pisten Bully kr. 118.733.761

Rafstilling - Prinoth kr. 141.156.810

Rafstilling - Prinoth kr. 153.472.167

Lagt fram minnisblað dagsett 27. maí 2022 um framlengingu á leigusamningum við rekstraraðila veitingasölu, skíðaleigu og skíðaskóla í Hlíðarfjalli um 3 ár eða til vetrarloka árið 2025.

Brynjar Helgi Ásgeirsson forstöðumaður Hlíðarfjalls sat fundinn undir þessum lið.

Umhverfis- og mannvirkjaráð samþykkir fyrir sitt leyti framlengingu á leigusamningum við rekstraraðila veitingasölu, skíðaleigu og skíðaskóla í Hlíðarfjalli um 3 ár eða til vetrarloka 2025.

Vísað til afgreiðslu í bæjarráði.

Lögð fram verk- og kostnaðaráætlun vegna yfirbyggingar á drifstöð Fjallkonunnar ásamt viðbyggingu.

Brynjar Helgi Ásgeirsson forstöðumaður Hlíðarfjalls sat fundinn undir þessum lið.

Umhverfis- og mannvirkjaráð telur þörf á að fara yfir þarfagreiningu og kostnaðaráætlun og ræða mögulegar útfærslur til að auka rekstraröryggi og bæta aðbúnað við Fjallkonuna fyrir starfsfólk og gesti Hlíðarfjalls.

Verkefninu er vísað til bæjarráðs.

Lagt fram minnisblað dagsett 15. júní 2022 vegna sölu á tveimur húsum á svæði Siglingarklúbbsins Nökkva til flutnings.

Umhverfis- og mannvirkjaráð samþykkir sölu á húsum til hæstbjóðenda.



Aðstöðuhúsnæði Nökkva:

Sigríður Bjarnadóttir 1.500.000 kr.



Bátaskýli Nökkva:

Þór Konráðsson 1.005.000 kr.

Lagt fram minnisblað dagsett 15. júní 2022 varðandi rif og förgun húsa í Ytra Krossanesi.

Umhverfis- og mannvirkjaráð samþykkir að ganga til samninga við lægstbjóðanda um verkið.



Finnur ehf. kr. 3.750.000

G. Hjálmarsson ehf. kr. 9.300.000



Inga Dís Sigurðardóttir M-lista vék af fundi við afgreiðslu þessa máls.

Lagt fram opnun tilboða í tvær metan ferlibifreiðar.

Umhverfis- og mannvirkjaráð samþykkir að ganga til samninga við lægstbjóðanda.



BL ehf. kr. 37.793.216

Lagt fram minnisblað dagsett 15. júní 2022 varðandi sölu á tækjum hjá umhverfismiðstöð.

Umhverfis- og mannvirkjaráð samþykkir tilboð hæstbjóðanda í hvert af sex tækjum, ekki barst tilboð í eitt tæki.



Mercades Benz - Citario (Strætisvagn):

Ekkert tilboð barst



Renault Trafic:

Níels Halldór Gunnarsson 53.000 kr.



Renault Kangoo:

Níels Halldór Gunnarsson 49.000 kr.



Hestakerra:

Axel Valgeirsson 131.000 kr.



Fjárkerra:

Viðar G. Jóhannsson 61.500 kr.



Arctic Cat - Firecat

Addi Tryggva ehf. 203.000 kr.

Lögð fram drög að samningi við Zipline Akureyri ehf. um rekstur á fimm fluglínum sem þvera Glerárgil á 500 metra kafla.

Umhverfis- og mannvirkjaráð samþykkir samning við Zipline Akureyri ehf. sem gildir til 2ja ára með möguleika á framlengingu um 2 ár í viðbót með fyrirvara um útfærslu á atriðum sem rædd voru á fundinum.



Sindri Kristjánsson S-lista og Jana Salóme Ingibjargar Jósepsdóttir V-lista óska bókað:

Á meðan fagna ber því framtaki sem aðstandendur Zipline á Akureyri hafa staðið fyrir að bæta í flóru afþreyingar fyrir bæjarbúa og ferðamenn skýtur það ansi skökku við að búið sé að afhenda hluta húsnæði leikskólans Pálmholts til rekstraraðilanna áður en gengið hefur verið frá þeim samningi sem kynntur er hér í drögum. Við þetta er rétt að bæta að gríðarlega mikilvægt er að sambúð fyrirtækisins og leikskólans takist sem best og að Akureyrarbær hiki ekki eitt andartak að grípa til aðgerða ef þurfa þykir takist þetta samstarf ekki vel. Ekki má gleyma að þarna er verið að bjóða einkafyrirtæki að reka sitt fyrirtæki á skólalóð þar sumir af okkar yngstu íbúum eyða mestum af sínum tíma. Aldrei má gefa nokkurn afslátt af öryggi þeirra og vellíðan á skólatíma.

Lagt fram minnisblað dagsett 16. júní 2022 um stígagerð á Glerárdal.

Jón Birgir Gunnlaugsson verkefnastjóri umhverfismála sat fundinn undir þessum lið.

Umhverfis- og mannvirkjaráð leggur áherslu á að framkvæmd við 2. áfanga verði í góðu samráði við Ferðafélag Akureyrar og að gætt verði að því að halda raski í lágmarki. Nauðsynlegt er að fara í endurheimt á því landi sem raskaðist við fyrri framkvæmdir, þar var stærra svæði fyrir raski en áætlað var.

Umhverfis- og mannvirkjaráð felur sviðsstjóra að vinna málið áfram og sækja um nýtt framkvæmdaleyfi sem leyfir slóða að hámarki 1 metra að meðtöldu rasksvæði.

Lagt fram minnisblað dagsett 16. júní 2022 varðandi framlengingu á samningi Akureyrarbæjar við Skógræktarfélag Eyfirðinga um umsjón með skógræktar- og útivistarsvæðum á Akureyri um tvö ár eins og heimilt er skv. núgildandi samningi.

Meirihluti umhverfis- og mannvirkjaráðs samþykkir framlengingu fyrir sitt leyti á samningi um tvö ár.

Jana Salóme Ingibjargar Jósepsdóttir V-lista situr hjá.