Umhverfis- og mannvirkjaráð - 107

Lagðar fram fjárhagsáætlanir deilda UMSA og gjaldskrár UMSA.

Arnór Þorri Þorsteinsson verkefnastjóri á umhverfismiðstöð, Engilbert Ingvarsson verkstjóri hjá Strætisvögnum Akureyrar og Dóra Sif Sigtryggsdóttir forstöðumaður rekstrardeildar sátu fundinn undir þessum lið.

Umhverfis- og mannvirkjaráð samþykkir framlagðar fjárhagsáætlanir og framlagðar gjaldskrár fyrir sitt leyti og vísar til bæjarráðs.

Lagt fram minnisblað dagsett 29. september 2021 varðandi útboð á stýringu bílastæða. Eitt tilboð barst í eftirlitslausn en ekkert í stöðumæla.

Tómas Björn Hauksson forstöðumaður nýframkvæmda sat fundinn undir þessum lið.

Umhverfis- og mannvirkjaráð samþykkir að að ganga til samninga við IOS hugbúnað ehf. um eftirlitslausn.

Lagt fram minnisblað Örnu Jakobsdóttur forstöðumanns öryggisþjónustu og Guðrúnar Sigurðardóttur sviðsstjóra velferðarsviðs dagsett 20. september 2021 þar sem lagt er til að óskað verði eftir heimild til kaupa á bifreið fyrir þjónustukjarnann í Hafnarstæti 28-30.

Velferðarráð samþykkir kaupin og vísar málinu til umhverfis- og mannvirkjaráðs.

Umhverfis- og mannvirkjaráð samþykkir kaupin sem rúmast innan áætlunar búnaðarkaupa. Keypt verði bifreið með vistvænum orkugjafa í samræmi við gildandi Umhverfis- og samgöngustefnu Akureyrarbæjar.

Tekin fyrir minnisblöð varðandi framkvæmdir við stíg inn Glerárdal sem ætlaður er til að auka aðgengi fólks að friðlandi og fallegri náttúru dalsins. Farið yfir verkáætlun og stöðu framkvæmda.

Umhverfis- og mannvirkjaráð óskar eftir því að horft verði til Stjórnunar- og verndaráætlunar 2018-2027 fyrir Glerárdal og framkvæmdaleyfis frá Umhverfisstofnun. En þar er lagt upp með að bæta aðgengi að fólkvanginum með stígagerð. Skulu stigarnir vera til þess fallnir að minnka ágang fólks fyrir utan stíga og þannig tryggja verndun og aðgengi til framtíðar.

Horfa skal til athugasemda hagsmunahópa á sama tíma og bætt aðgengi sé haft til hliðsjónar þar sem nýir hópar komi til með að geta og vilja njóta fólkvangsins.

Rætt var um drög að verklýsingu fyrir áframhaldandi framkæmd.

Lagt fram bréf frá Birki Baldvinssyni dagsett 22. ágúst 2021 varðandi framkvæmdir við stíg á Glerárdal.

Umhverfis- og mannvirkjaráð þakkar erindið og mun taka tillit til þeirra ábendinga sem þar koma fram. Formanni er falið að svara bréfinu í samræmi við umræður á fundinum.

Lagt fram bréf frá Ferðafélagi Akureyrar dagsett 5. september 2021 varðandi framkvæmdir við stíg á Glerárdal.

Umhverfis- og mannvirkjaráð þakkar erindið og mun taka tillit til þeirra ábendinga sem þar koma fram. Formanni er falið að svara bréfinu í samræmi við umræður á fundinum.