Umhverfis- og mannvirkjaráð - 112

Lagt fram fundaplan fyrir árið 2022.

Lagt fram minnisblað dagsett 19. janúar 2022 varðandi opnun tilboða í framkvæmdir við sparkvelli við Glerárskóla, Síðuskóla og Naustaskóla. Sex tilboð bárust frá þremur aðilum.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir að ganga til samninga við lægstbjóðanda Altis ehf. um kaup og skipti á gervigrasinu.

Lagt fram minnisblað dagsett 19. janúar 2022 varðandi opnun tilboða í gervigrasvelli við KA.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð frestar afgreiðslu málsins.

Lagt fram minnisblað dagsett 19. janúar 2022 varðandi uppgjör framkvæmda við leikskólann Klappir.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir að óska eftir viðauka til bæjarráðs þess efnis að færa kr. 40 milljónir frá áætlun ársins 2021 til 2022 vegna seinkunar verkloka og uppgjörs verksins.

Kynning á hönnun fyrirhugaðra framkvæmda við A og C álmu Glerárskóla.

Sigurður Gunnarsson verkefnastjóri nýframkvæmda sat fundinn undir þessum lið.

Umhverfis- og mannvirkjaráð þakkar kynninguna og tekur vel í fyrirhugaðar framkvæmdir.

Lagt fram minnisblað dagsett 20. janúar 2022 varðandi opnun tilboða í framkvæmdir við Tryggvabraut, Hvannavelli og hringtorg á gatnamótunum. Eitt tilboð barst.

Jónas Valdimarsson verkefnastjóri tækni og hönnunar sat fundinn undir þessum lið.

Umhverfis- og mannvirkjaráð samþykkir að ganga til samninga við Finn ehf., en tilboðið hljóðaði upp á kr. 175.922.000.

Lagt fram minnisblað dagsett 19. janúar 2022 varðandi framlengingu á samningi um meindýravarnir.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð samþykkir að framlengja samning við Meindýravarnir Eyjafjarðar um meindýravarnir til tveggja ára.

Lagt fram minnisblað dagsett 19. janúar 2022 varðandi forgang í snjómokstri.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð samþykkir breytingar á forgangi frá engum forgangi upp í þriðja forgang í stígamokstri í syðri hluta Búðartraðar frá Þórunnarstræti að SAk og meðfram Sjafnargötu að bæjarmörkum til norðurs í samræmi við umræður á fundinum.

Lagt fram erindi frá óshólmanefnd dagsettt 9. desember 2021 varðandi frágang á svæðinu eftir framkvæmdir og áform um að viðhalda votlendi sunnan flugvallar.

Tómas Björn Hauksson forstöðumaður nýframkvæmda, Rut Jónsdóttir forstöðumaður umhverfis- og sorpmála og Jón Birgir Gunnlaugsson verkefnastjóri umhverfismála sátu fundinn undir þessum lið.

Umhverfis- og mannvirkjaráð samþykkir að boða óshólmanefnd á fund ráðsins við fyrsta tækifæri.

Fylgiskjöl

• óshólmar bréf des 21 w.docx

Lagt fram minnisblað dagsett 20. janúar 2022 varðandi erindi frá Íþróttafélaginu Þór, áframsent og samþykkt af frístundaráði, varðandi kaup á dúk á aðalvöll félagsins sem ætlað er að lengja það tímabil sem völlurinn er nothæfur til knattspyrnuiðkunar.

Dóra Sif Sigtryggsdóttir forstöðumaður rekstrardeildar sat fundinn undir þessum lið.

Umhverfis- og mannvirkjaráð samþykkir erindið og það verði fjármagnað af búnaðarsjóði UMSA vegna ársins 2022.