Umhverfis- og mannvirkjaráð - 134

Lögð fram drög að umhverfis- og loftslagsstefnu Akureyrarbæjar 2022-2030 ásamt aðgerðaáætlun til ársins 2025.

Umhverfis- og mannvirkjasviði falið að vinna aðgerðaáætlunina áfram í samræmi við umræður á fundinum og stefnt að því að samþykkja tilbúna aðgerðaáætlun í vor.

Lagt fram minnisblað dagsett 3. mars 2023 varðandi endurnýjun á lýsingu í Boganum.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð leggur áherslu á að endurnýjun á lýsingu í Boganum fari inn á framkvæmdaáætlun fyrir árið 2024.

Lagt fram minnisblað dagsett 3. mars 2023 varðandi niðurstöðu útboðs á eftirliti með brunaviðvörunarkerfum í stofnunum Akureyrarbæjar.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð hafnar öllum tilboðum í eftirliti með brunaviðvörunarkerfum í stofnunum Akureyrarbæjar.

Lagt fram minnisblað dagsett 6. mars 2023 varðandi á áform um uppsetningu hverfahleðslustöðva á Akureyri.

Steindór Ívar Ívarsson forstöðumaður viðhalds sat fundinn undir þessum lið.

Lagt fram minnisblað dagsett 16. febrúar 2023 varðandi sjávarflóð á Oddeyri 25. september 2022.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð óskar eftir því að tekið verði saman minnisblað um aðgerðir og kostnað vegna varna gegn rofi við strandlengju Akureyrarbæjar og við Glerá.

Lagt fram minnisblað dagsett 2. mars 2023 varðandi niðurstöðu útboðana: Lagnir og yfirborðsfrágangur og flóðlýsing, á nýjum keppnisvelli á íþróttasvæði KA

Umhverfis- og mannvirkjaráð samþykkir að gengið verði til samninga við Nesbræður ehf. á grundvelli tilboðs þeirra að upphæð kr. 159.561.281. Tvö tilboð bárust.



Umhverfis- og mannvirkjaráð samþykkir að gengið verði til samninga við Metatron ehf. um 800lux lýsingu á grundvelli tilboðs þeirra frá því í október 2022. Eitt tilboð barst.

Umhverfis- og mannvirkjaráð lýsir vonbrigðum yfir því að KSÍ skuli gera kröfur um lágmarksaðbúnað án samráðs við sveitarfélög sem bera kostnaðinn við uppbyggingu íþróttamannvirkja á Íslandi.

Lagður fram til upplýsingar, samningur við hlaupahjólaleiguna Hopp Akureyri.

Lagt fram til kynningar skilamat dagsett 15. febrúar 2023 vegna innleiðingar gjaldskyldu á bílastæðum í Akureyrarbæ.

Lögð fram til kynningar stöðuskýrsla nr. 3 dagsett í janúar 2023 vegna framkvæmda við Holtahverfi á Akureyri.

Lagt fram minnisblað dagsett 3. mars 2023 varðandi endurnýjun á strætisvagni.