Umhverfis- og mannvirkjaráð - 109

Lagt fram minnisblað dagsett 19 nóvember 2021 varðandi útleigu beitarhólfa í eigu Akureyrarbæjar.

Umhverfis- og mannvirkjaráð samþykkir að ganga til samninga við Hestamannafélagið Létti um útleigu á beitarhólfum í eigu Akureyrarbæjar.

Rætt um aðgerðaáætlun í aðdraganda útboðs á sorpsamningi Akureyrarbæjar.

Umhverfis- og mannvirkjaráð stefnir að því að bjóða út söfnun og flutning á sorpi eftir áramót.

Teknar fyrir beiðnir til búnaðarkaupa frá frístundaráði.

Umhverfis- og mannvirkjaráð samþykkir að leggja 5,5 milljónir króna í kaup á stólum og borðum í Víðilund og 6 milljónir í skorklukku við Þórsvöll og verði féð tekið af búnaðarkaupasjóði umhverfis- og mannvirkjasviðs 2021.

Öðrum beiðnum er frestað og vísað til umræðu á árinu 2022.

Lagt fram minnisblað vegna sölu eldri tækja á umhverfismiðstöð.

Umhverfis- og mannvirkjaráð samþykkir eftirfarandi tilboð og felur sviðsstjóra að fara betur yfir tilboð í valtara og götusóp:



YA-962 - Mercedes Benz 312D - 213.000 kr.

Bjóðandi er Sigurður Ingvar Ólafsson.



NZ-180 - Mercedes Benz 312D - 133.000 kr.

Bjóðandi er Sigurður Ingvar Ólafsson.



DY-673 - Renault Trafic - 53.000 kr.

Bjóðandi er Andri Freyr Jónsson.



LL-801 - Renault Kangoo - 131.112 kr.

Bjóðandi er Hrafn Svavarsson.



ME-868 - Mitsubishi L200 - 45.000 kr.

Bjóðandi er Andri Freyr Jónsson.



MF-023 - Subaru Impreza - 45.000 kr.

Bjóðandi er Jón V Finnsson.



IB-0972 - Kubota - 380.000 kr.

Bjóðandi er Rúnar Gústafsson.



IB-1195 - Kubota - 840.000 kr.

Bjóðandi er Svavar Jónsson.



VI-060 - Marshall sturtuvagn - 555.000 kr.

Bjóðandi er Arnar Gústafsson.



Fjárkerra - 107.563 kr.

Bjóðandi er Svavar Jónsson.



Hjólastólalyfta - 33.000 kr.

Bjóðandi er Sigurður Ingvar Ólafsson.



Bílalyfta - 353.000 kr.

Bjóðandi er Sigurður Ingvar Ólafsson.

Lögð fram greinargerð dómnefndar vegna opnunar tilboðs í rekstur á kaffihúsinu í Lystigarðinum á Akureyri. Eitt tilboð barst.

Það er mat dómnefndar að hugmyndafræði bjóðanda passi vel inn í Lystigarðinn ásamt því að gert er ráð fyrir heilsársopnun á kaffihúsinu. Markhópagreining bjóðanda er vel upp sett þar sem hugsað er um alla aldurshópa. Einnig er talsvert lagt upp úr viðburðahaldi sem yrði gott aðdráttarafl fyrir kaffihúsið og Lystigarðinn.



Umhverfis- og mannvirkjaráð samþykkir að taka tilboði Kaffi Lystar í leigu á húsinu.

Lagt fram minnisblað varðandi tilfærslu innan viðhaldsáætlunar fasteigna og leiguíbúða, færslu innan Klappa milli ára og hækkun og færslu milli ára í Lundarskóla.

Umhverfis- og mannvirkjaráð samþykkir eftirfarandi viðauka og vísar þeim til afgreiðslu í bæjarráði:



Leikskólinn Klappir

43 milljónir kr. - Tilfærsla á fjármagni frá fjárfestingaráætlun 2020 til 2021.

50 milljónir kr. - Viðauki vegna verðbóta við verksamning og hærri fjármagnskostnaðar á byggingartíma.

17 milljónir kr. - Viðauki vegna aukins framkvæmdakostnaðar við verkið.

Samtals viðauki á árinu kr. 110 milljónir.



Lundarskóli

107 milljónir kr. - Tilfærsla á fjármagni frá fjárfestingaráætlun 2022 til 2021.



Viðhald fasteigna

25 milljónir kr. - Tilfærsla á fjármagni frá viðhaldsáætlun fasteigna Akureyrarbæjar yfir í viðhaldsáætlun leiguíbúða Akureyrarbæjar.

Eignfærsluáætlun 2022-2025 lögð fram til kynningar.