Umhverfis- og mannvirkjaráð - 120

Lagt fram minnisblað dagsett 19. maí 2022 varðandi endurskoðun á gjaldskrá nokkurra tækja á umhverfismiðstöð.

Arnór Þorri Þorsteinsson verkefnastjóri á umhverfismiðstöð og Dóra Sif Sigtryggsdóttir forstöðumaður rekstrardeildar og umhverfismiðstöðvar sátu fundinn undir þessum lið.

Umhverfis- og mannvirkjaráð samþykkir hækkun á gjaldskrá nokkurra tækja á umhverfismiðstöð.

Lagt fram minnisblað dagsett 16. maí 2022 varðandi opnun tilboða í vinnuflokkabíl og dráttarvél fyrir umhverfismiðstöð.

Arnór Þorri Þorsteinsson verkefnastjóri á umhverfismiðstöð og Dóra Sif Sigtryggsdóttir forstöðumaður rekstrardeildar og umhverfismiðstöðvar sátu fundinn undir þessum lið.

Umhverfis- og mannvirkjaráð hafnar öllum tilboðum í dráttarvél og vinnuflokkabíl og felur umhverfis- og mannvirkjasviði að vinna málið áfram.

Tekið fyrir ákvæði í snjómoksturssamningum frá árinu 2019 varðandi framlengingu á samningum um eitt ár.

Rut Jónsdóttir forstöðumaður umhverfis- og sorpmála sat fundinn undir þessum lið.

Umhverfis- og mannvirkjaráð samþykkir að framlengja samninga í snjómokstri um eitt ár.

Tekin fyrir niðurstaða frá opnun tilboða dagsett 11. maí 2022 varðandi framkvæmdir við A-álmu Glerárskóla. Eitt tilboð barst og var það 157% af kostnaðaráætlun.

Sigurður Gunnarsson verkefnastjóri nýframkvæmda sat fundinn undir þessum lið.

Umhverfis- og mannvirkjaráð hafnar tilboði í endurbætur og viðbyggingu á A-álmu Glerárskóla.

Fyrirhugaðar framkvæmdir við lóð Oddeyrarskóla ræddar.

Lögð fram gögn varðandi verkefnið og framkvæmd þess.

Umhverfis- og mannvirkjaráð tekur vel í verkefnið og felur umhverfis- og mannvirkjasviði að gera samning við rekstraraðila til ákveðins tíma og setja skilyrði fyrir rekstri.

Lagt fram kauptilboð Akureyrarbæjar dagsett 19. maí 2022 varðandi kaup á Laxagötu 5, Akureyri.

Umhverfis- og mannvirkjaráð tekur vel í kauptilboðið og vísar því til afgreiðslu í bæjarráði.