Umhverfis- og mannvirkjaráð - 48

Sverrir Thorstensen og Þorsteinn Þorsteinsson mættu á fundinn og kynntu skýrslur með niðurstöðum fuglatalningar.

Jónas Vigfússon forstöðumaður Umhverfismiðstöðvar sat fundinn undir þessum lið.

Umhverfis- og mannvirkjaráð þakkar fyrir kynninguna og leggur til að umhverfis- og mannvirkjasvið móti tillögur að aðgerðum gegn ágengum plöntum í Krossanesborgum og Hrísey.

Fylgiskjöl

• Fuglalíf Krossanesborga sumarið 2018.pdf
• talning-2018pdf.pdf

Farið yfir stöðuna og aðgerðir kynntar.

Jónas Vigfússon forstöðumaður Umhverfismiðstöðvar sat fundinn undir þessum lið.

Vinnuhópur er að störfum og stefnt er að því að leggja fram aðgerðaáætlun í apríl.

Lagt fram bréf frá Umhverfisstofnun dagsett 14. desember 2018 þar sem óskað er eftir tilnefningu fulltrúa í vatnasvæðanefnd.

Umhverfis- og mannvirkjaráð tilnefnir Ólaf Kjartansson V-lista í nefndina og Hildigunni Rut Jónsdóttur forstöðumann umhverfis- og sorpdeildar til vara.

Fylgiskjöl

• Umhverfisstofnun - ósk um að Akureyrarkaupstaður tilnefni fulltrúa umhverfis-eða náttúruverndarnefndar í vatnasvæðanefnd
• Umhverfisstofnun - ósk um að sveitarfélagið Akureyrarkaupstaður tilnefni fulltrúa í vatnasvæðanefnd

Farið var yfir stöðu efnisútboðs.

Umhverfis- og mannvirkjaráð samþykkir að gengið verði til samninga við eftirtalda aðila:

Í málningu og málningarefni: Slippfélagið.

Í pípulagnaefni: Tengi.

Í raflagnaefni: Ískraft.

Í neyðarljós: Nortek.

Í rafmagnstæki: Ormsson.

Í grófvöru og annað byggingarefni: Húsasmiðjan.

Kynntar breytingar á samningum.

Umhverfis- og mannvirkjaráð samþykkir breytingarnar.

Kauptilboð dagsett 17. janúar 2019 lagt fram á fundinum.

Umhverfis- og mannvirkjaráð samþykkir að taka tilboði í eignina og felur umhverfis- og mannvirkjasviði að ganga til samninga þess efnis.

Lagt fram minnisblað dagsett 14. janúar 2019.

Kynnt staða á byggingaframkvæmdum.

Tekin fyrir beiðni um endurbætur frá Öldrunarheimilum Akureyrarbæjar vegna nýrrar dagþjálfunar á Hlíð.

Umhverfis- og mannvirkjaráð samþykkir að fara í framkvæmdir vegna nýrrar dagþjálfunar á Hlíð og samþykkir áætlaðan kostnað upp á 4 milljónir kr. og verði kostnaður tekinn af fjárveitingu til nýframkvæmda við Hlíð á árinu 2019.

Farið yfir stöðuna á LED væðingu Akureyrarbæjar.

Lagt fyrir minnisblað dagsett 16. janúar 2019 vegna útboðs á gatnagerð í Hrísey.

Umhverfis- og mannvirkjaráð samþykkir að bjóða út framkvæmdina.

Lagt fram minnisblað dagsett 29. maí 2017 vegna kaupa á snjótroðara.

Umhverfis- og mannvirkjaráð felur sviðstjóra að vinna málið áfram.

Eftirfarandi fundargerðir voru lagðar fram á fundinum:

Klettaborg 43: 1. og 2. verkfundur dagsettir 20. desember 2018 og 10. janúar 2019.

Framtíðarsýn tjaldsvæðanna og endurnýjun rekstrarsamnings: 1., 2. og 3. verkfundur dagsettir 19. og 26. nóvember og 10. desember 2018.

Jana Salóme Ingibjargar Jósepsdóttir V-lista óskaði eftir eftirfarandi bókun:

Ég harma að hingað til hafi ekki verið hægt að treysta á fundaáætlun. Mikilvægt er að taka tillit til þess að nefndarfólk þarf í mörgum tilfellum að skipuleggja fundarsetu langt fram í tímann vegna vinnu. Af virðingu við nefndarfólk og vinnuveitendur þeirra þarf fundaáætlun að vera áreiðanleg.