Umhverfis- og mannvirkjaráð - 29

Jónas Vigfússon forstöðumaður Umhverfismiðstöðvar og Kristinn Jakob Reimarsson sviðstjóri samfélagssviðs lögðu fram minnisblað dagsett 12. mars 2018 um flutning vinnuskólans frá Umhverfismiðstöð til Rósenborgar.

Umhverfis- og mannvirkjaráð samþykkir tilfærslu vinnuskólans frá umhverfis- og mannvirkjasviði yfir til samfélagssviðs.

Lagt fram minnisblað frá Jónasi Vigfússyni forstöðumanni Umhverfismiðstöðvar dagsett 13. mars 2018 vegna breytinga á húsnæði Umhverfismiðstöðvar á Rangárvöllum.

Umhverfis- og mannvirkjaráð felst á hugmyndir í meðfylgjandi minnisblaði.

Umhverfis- og mannvirkjaráð felur jafnframt sviðsstjóra að undirbúa húsaleigusamning við Norðurorku fyrir Umhverfismiðstöðina á Rangárvöllum.

Umhverfis- og mannvirkjaráð samþykkir að fela sviðsstjóra að koma á fundi ráðsins með stjórnendum Norðurorku og bæjarstjóra til að ræða samstarf og skipulag á athafnasvæðinu á Rangárvöllum til framtíðar.

Lagt fram minnisblað frá Jónasi Vigfússyni forstöðumanni Umhverfismiðstöðvar dagsett 13. mars 2018 og drög að útboðs- og verklýsingu vegna steinefna fyrir Malbikunarstöðina 2018.

Umhverfis- og mannvirkjaráð samþykkir drög að útboðs- og verklýsingu vegna steinefna en krafa sé gerð um að fyllingarefni í malbik sé unnið úr klöpp.

Lagt fram til samþykktar minnisblað frá Jónasi Vigfússyni forstöðumanni Umhverfismiðstöðvar dagsett 13. mars 2018 vegna framlengingar á samningum við verktaka vegna smáverka.

Umhverfis- og mannvirkjaráð samþykkir að samningar við verktaka vegna smáverka verði framlengdir í eitt ár.

Jónas Vigfússon forstöðumaður Umhverfismiðstöðvar vék af fundi.

Á síðasta fundi ráðsins var lagt fram erindi dagsett 18. janúar 2018 frá Vistorku ehf vegna kolefnishlutlausrar Akureyri og þátttöku Akureyrarkaupstaðar í Compact of Mayors.

Samþykkt var að hefja vinnu við verkefnið og var Rut Jónsdóttur forstöðumanni umhverfis- og sorpmála falið að vinna áfram í málinu. Hún lagði fram kostnaðaráætlun dagsetta 13. mars 2018 og verkáætlun frá Stefáni Gíslasyni hjá Umhverfisráðgjöf Íslands ehf dagsetta 9. mars 2018.

Umhverfis- og mannvirkjaráð samþykkir framlagða verk- og kostnaðaráætlun og að sótt verði um viðauka vegna kostnaðarins.

Lagt fram skilamat fyrir bílabraut að Hömrum.

Lögð fram til samþykktar drög og auglýsing að stjórnunar- og verndaráætlun fólksvangsins í Glerárdal.

Umhverfis- og mannvirkjaráð samþykkir drög að stjórnunar- og verndaráætlun með framlögðum breytingum.

Lögð fram til kynningar heildarkostnaðaráætlun dagsett 15. mars 2018 og hluti af útboðsgögnum vegna Austurbrúar (Drottningarbrautarreitar).

Lögð fram beiðni frá fræðsluráði dagsett 12. mars 2018 um fjármagn til búnaðarkaupa á árinu 2018 fyrir leik-, grunn- og tónlistarskóla.

Umhverfis- og mannvirkjaráð samþykkir búnaðarkaup að upphæð 27,7 milljónir króna samkvæmt meðfylgjandi lista.

Lagt fram minnisblað dagsett 13. mars 2018 frá Steindóri Ívari Ívarssyni forstöðumanni viðhalds vegna kaupa á fólksflutningalyftu í Víðihlíð fyrir Birki- og Lerkihlíð.

Umhverfis- og mannvirkjaráð samþykkir að kaupin verði sett inn í framkvæmdayfirlit á árinu.

Lögð fram stöðuskýrsla dagsett 14. mars 2018 vegna framkvæmda við Listasafnið.

Lagt fram frumkostnaðarmat frá mars 2018 vegna byggingar íbúðakjarna við Klettaborg 43.