Umhverfis- og mannvirkjaráð - 13

Jónas Vigfússon forstöðumaður Umhverfismiðstöðvar mætti á fundinn og fór yfir drög að útboðsgögnum vegna auglýsingasölu á strætisvagna dagsett 14. júní 2017.

Umhverfis- og mannvirkjaráð felur sviðsstjóra og forstöðumanni Umhverfismiðstöðvar að klára útboðsgögnin miðað við umræður á fundinum.

Lagður fram samningur við Moltu ehf um móttöku á pappír í grenndarstöðvum og kaup á pappírstætara.

Í upphafi þessa dagskrárliðar vakti Ingibjörg Ólöf Isaksen B-lista á því athygli að hún teldi sig vanhæfa að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir umhverfis- og mannvirkjaráð og var það samþykkt með 5 samhljóða atkvæðum.

Ingibjörg Ólöf Isaksen vék af fundi við umræðu og afgreiðslu málsins.

Eiríkur Jónsson varaformaður tók við stjórn fundarins í fjarveru formanns.

Umhverfis- og mannvirkjaráð samþykkir samninginn.

Lagt fram minnisblað dagsett 13. júní 2017 um frágang á almennum bílastæðum fyrir framan Aðalstræti 4.

Umhverfis- og mannvirkjaráð samþykkir að farið verði í framkvæmdina þar sem kostnaður rúmast innan fjárhagsáætlunar ársins.

Jón Orri Guðjónsson D-lista sat hjá við afgreiðslu málsins og óskar bókað:

Á þessum stað færi mun betur á því að helluleggja bílastæðin en að malbika þau.

Meirihluti umhverfis- og mannvirkjaráð óskar bókað:

Ekki er talið ráðlegt að helluleggja stæðin þar sem kostnaður við það er um fjórfalt meiri. Almennt eru almenningsbílastæði malbikuð í bæjarlandinu.

Lagt fram minnisblað dagsett 13. júní 2017 vegna fjölgunar bílastæða við leikskólann Naustatjörn.

Umhverfis- og mannvirkjaráð samþykkir að farið verði í framkvæmdina þar sem kostnaður rúmast innan fjárhagsáætlunar ársins.

Lagðar fram til kynningar tillögur að breytingum á innkeyrslum við Giljaskóla ásamt frumkostnaðaráætlun dagsettri 14. júní 2017.

Á síðasta fundi umhverfis- og mannvirkjaráðs var óskað eftir umsögn fræðsluráðs vegna frágangs lóðar sunnan Naustaskóla. Fræðsluráð tók málið fyrir á fundi þann 12. júní og gerði eftirfarandi bókun:

Fræðsluráð fagnar framlögðum teikningum á lóð við Naustaskóla og að framkvæmdir séu nú hafnar.

Fræðsluráð óskar eftir 10 milljóna króna aukafjárveitingu á árinu 2017 til að hægt sé að ljúka fyrstu þremur áföngum samkvæmt teikningu.

Þá leggur fræðsluráð áherslu á að gert verði ráð fyrir síðasta áfanga lóðarinnar við gerð fjárhagsáætlunar árið 2018.

Umhverfis- og mannvirkjaráð samþykkir auka fjárveitingu að upphæð 10 milljónir króna þar sem hún rúmast innan fjárhagsáætlunar ársins og að verkið verði boðið út.

Lögð fram beiðni frá velferðarráði um skipun fulltrúa frá umhverfis- og mannvirkjasviði í starfshóp um viðhalds- og endurbætur á húsnæði ÖA í Austurbyggð sem skila á drögum að viðhalds- og endurbótaáæltun í byrjun september 2017.

Afgreiðslu frestað.

Lagt fram minnisblað dagsett 13. júní 2017 vegna kaupanna.

Umhverfis- og mannvirkjaráð samþykkir kaupin samkvæmt framlögðum gögnum.

Lagðar fram tvær beiðnir, annars vegar frá fræðsluráði um fjárveitingu að upphæð 15 milljónir króna til að gera leiksvæði á lóð Glerárskóla, hins vegar frá bæjarráði að upphæð 4 milljónir króna vegna endurbóta innanhúss fyrir 5 ára deild sem taka á til starfa í skólanum í byrjun ágúst 2017.

Umhverfis- og mannvirkjaráð samþykkir fjárveitingu að upphæð 19 milljónir króna í verkefnið þar sem kostnaður rúmast innan fjárhagsáætlunar ársins.

Eftirfarandi verkfundargerðir lagðar fram á fundinum:

Bygging íbúða fyrir fatlaða: 10. fundur verkefnisliðs dagsettur 16. maí 2017.

Listasafn: 2. og 3. verkfundur dagsettir 31. maí og 16. júní 2017.

Nökkvi farg: 3. verkfundur dagsettur 17. maí 2017.

Rangárvallarstígur: 3.- 5. verkfundur dagsettir 9., 16. og 23. maí 2017.

Sundlaug Akureyrar: 14. verkfundur dagsettur 7. júní 2017.