Umhverfis- og mannvirkjaráð - 30

Lögð fram stöðuskýrsla fyrir rekstur umhverfis- og mannvirkjasviðs 2017 dagsett 9. apríl 2018.

Aðalheiður Magnúsdóttir frá rekstrardeild umhverfis- og mannvirkjasviðs sat fundinn undir þessum lið.

Lagt fram erindi dagsett 10. apríl 2018 frá Tryggva Sveinbjörnssyni um afnot af ákveðnum biðstöðvum Strætisvagna Akureyrar vegna verkefnisins Hop on Hop off.

Umhverfis- og mannvirkjaráð samþykkir að veita afnot af biðstöðvum sem tilraunaverkefni í eitt ár. Forstöðumanni Umhverfismiðstöðvar er falið að fara yfir merkingar á biðskýlunum og vagninum sem notaður verður í verkefnið.

Lagt fram minnisblað dagsett 10. apríl 2018 vegna ákvæðis um framlenginu gildandi samninga um eitt ár.

Umhverfis- og mannvirkjaráð samþykkir að framlengja gildandi samninga um eitt ár.

Lagt fram minnisblað dagsett 10. apríl 2018 vegna opnunar tilboða í hreinsun gatna. Einnig lagt fram minnisblað dagsett 12. apríl 2018 um hreinsun götukanta.

Umhverfis- og mannvirkjaráð samþykkir að samið verði við Hreinsitækni ehf. Einnig samþykkir ráðið að sækja um viðauka að upphæð 9 milljónir króna vegna hreinsunar götukanta í bænum.

Lagt fram minnisblað dagsett 11. apríl 2018 vegna opnunar tilboða í innkaup á grasþökum.

Umhverfis- og mannvirkjaráð samþykkir að samið verði við Benedikt Hjaltason um innkaup á grasþökum til tveggja ára.

Lagt fram erindi dagsett 22. mars 2018 frá Íslenska gámafélaginu ehf um endurnýjun þjónustusamninga í sorpmálum 2018.

Lögð fram drög að samningi við Vaðlaheiðargöng hf um framlag til Slökkviliðs Akureyrar og Þingeyjarsveitar vegna Vaðlaheiðarganga.

Ólafur Stefánsson slökkviliðsstjóri sat fundinn undir þessum lið.

Umhverfis- og mannvirkjaráð samþykkir fyrir sitt leyti framlögð drög að samningi með þeim breytingum sem fram komu á fundinum.

Lagt fram minnisblað dagsett 11. apríl 2018 vegna frágans á skotsvæði félagsins.

Umhverfis- og mannvirkjaráð samþykkir að farið verði í að klára frágang á svæðinu enda sé allri malartöku lokið.

Lagt fram skilamat dagsett 6. apríl 2018 vegna endurbóta í göngugötunni í miðbæ Akureyrar.

Hildigunnur Rut Jónsdóttir forstöðumaður umhverfis- og sorpmála vék af fundi eftir afgreiðslu þessa liðar.

Lögð fram minnisblöð dagsett 16. febrúar og 14. mars 2018.

Jónas Valdimarsson verkefnastjóri hönnunar sat fundinn undir þessum lið.

Umhverfis- og mannvirkjaráð samþykkir að veita fjármagni í verklið 1, skurður ofan svæðis, að upphæð 4 milljónir króna og verklið 2, lögn meðfram spyrnubraut, að upphæð 50 milljónir króna samkvæmt framlögðu minnisblaði frá Jónasi Valdimarssyni dagsett 14. mars 2018.

Ráðið óskar eftir viðauka vegna verksins til bæjarráðs.

Umhverfis- og mannvirkjaráð felur umhverfis- og mannvirkjasviði að ganga til samninga við Bílaklúbb Akureyrar um framkvæmd verksins.



Þorsteinn Hlynur Jónsson Æ-lista óskar bókað að hann samþykki verklið 1 en hafni verklið 2.

Lögð fram minnisblöð dagsett 6. og 11. apríl 2018 vegna opnunar tilboða í innkaup á hellum og yfirborðsfrágang á reitnum.

Umhverfis- og mannvirkjaráð samþykkir að semja við lægstbjóðendur.

Lagt fram minnisblað dagsett 11. apríl 2018 vegna yfirbræðslu gatna sumarið 2018.

Umhverfis- og mannvirkjaráð samþykkir framlagða áætlun.

Lagt fram minnisblað dagsett 11. apríl 2018 vegna ákvæðis í gildandi samningi um framlengingu hans um eitt ár.

Umhverfis- og mannvirkjaráð samþykkir að framlengja samninginn um eitt ár.

Lagt fram til kynningar stöðumat vegna stjórnsýslubreytinganna sem tóku gildi 1. janúar 2017 dagsett 15. mars 2018. Stöðumatið var unnið af RR Ráðgjöf ehf.

Umhverfis- og mannvirkjaráð frestar málinu til næsta fundar.

Eftirfarandi verkfundargerðir lagðar fram á fundinum:

Drottningarbrautarstígur Leikhúsbrú jarðvinna: 2. verkfundur dagsettur 1. mars 2018.

Drottningarbrautarstígur Leikhúsbrú bryggjusmíði: 1.- 2. verkfundur dagsettir 5. mars og 3. apríl 2018.

Listasafn endurbætur: 17.- 19. verkfundur dagsettir 8. og 22. mars og 5. apríl 2018.

Naustahverfi Hagar: 2.- 6. verkfundur dagsettir 7. og 21. febrúar, 7. og 20. mars og 4. apríl 2018.