Umhverfis- og mannvirkjaráð - 44

Arnar Birgir Ólafsson landslagsarkitekt hjá Teiknistofu Norðurlands slf. mætti á fundinn og kynnti stöðu hönnunar á Ráðhústorginu.

Jón Birgir Gunnlaugsson verkefnastjóri umhverfismála sat fundinn undir þessum lið.

Rut Jónsdóttir forstöðumaður umhverfis- og sorpmála fór yfir jólaskreytingar í bæjarlandinu fyrir jólin 2018.

Jón Birgir Gunnlaugsson verkefnastjóri umhverfismála sat fundinn undir þessum lið.

Lagt fram uppfært snjómokstursskipulag í bænum fyrir veturinn 2018-2019 þar sem Hagahverfi bætist við. Skipulagið má finna á heimasíðu Akureyrarbæjar á slóðinni: http://www.map.is/akureyri/ og setja hak í vetrarþjónusta.

Jón Birgir Gunnlaugsson verkefnastjóri umhverfismála sat fundinn undir þessum lið.

Umhverfis- og mannvirkjaráð samþykkir framlagt snjómokstursskipulag fyrir veturinn 2018-2019.

Lagt var til á síðasta fundi ráðsins að skipaður yrði vinnuhópur vegna framtíðarsýnar tjaldsvæðanna og endurnýjunar rekstrarsamnings við Skátafélagið Klakk. Skipa þarf fulltrúa ráðsins í vinnuhópinn.

Umhverfis- og mannvirkjaráð skipar Jóhann Jónsson S-lista sem fulltrúa ráðsins í vinnuhópinn.

Lagt fram erindi Ólafs Aðalgeirssonar fyrir hönd Concept ehf. um framlengingu leigusamnings húseigna í Skjaldarvík.

Umhverfis- og mannvirkjaráð frestar afgreiðslu erindisins og felur sviðsstjóra að vinna málið frekar í ljósi umræðna á fundinum.

Lögð fram til kynningar samantekt á yfirvinnu í hlutfalli við dagvinnu á umhverfis- og mannvirkjasviði.

Lagt fram minnisblað dagsett 8. nóvember 2018 vegna húsaleigu Umhverfismiðstöðvar á Rangárvöllum ásamt framtíðarsýn á svæðinu.

Einnig lögð fram drög að húsaleigusamningi við Norðurorku hf. dagsett 8. nóvember 2018.

Jónas Vigfússon forstöðumaður Umhverfismiðstöðvar sat fundinn undir þessum lið.

Umhverfis- og mannvirkjaráð felur sviðsstjóra og forstöðumanni Umhverfismiðstöðvar að ganga frá samningnum í samræmi við umræður á fundinum.

Unnið áfram að nýframkvæmdaáætlun áranna 2019-2021.