Umhverfis- og mannvirkjaráð - 96

Kynning frá Stefáni Gíslasyni framkvæmdastjóra Environice, ráðgjafarfyrirtæki á sviði umhverfismála og sjálfbærrar þróunar, á árangri Akureyrarbæjar í loftslagsmálum.

Rut Jónsdóttir forstöðumaður umhverfis- og sorpdeildar og Jón Þór Kristjánsson verkefnisstjóri upplýsingamiðlunar sátu fundinn undir þessum lið.

Umhverfis- og mannvirkjaráð þakkar kynninguna.

Minnisblað dagsett 10. mars 2021 varðandi nýtt leiðanet SVA.

Hrafn Svavarsson forstöðumaður umhverfismiðstöðvar, Jón Þór Kristjánsson verkefnisstjóri upplýsingamiðlunar og Daði Baldur Ottósson samgönguverkfræðingur á samfélagssviði EFLU sátu fundinn undir þessum lið.

Umhverfis- og mannvirkjaráð þakkar fyrir nánari útfærslu og kostnaðargreiningu á nýju leiðaneti og vísar málinu til umræðu í bæjarráði.

Minnisblað dagsett 11. mars 2021 varðandi opnun tilboða í útboði um kaup á metan strætisvagni en eitt tilboð barst.

Hrafn Svavarsson forstöðumaður umhverfismiðstöðvar sat fundin undir þessum lið.

Umhverfis- og mannvirkjaráð samþykkir að taka tilboði Kletts og ganga til samninga um kaup á metan strætisvagni að upphæð kr. 42.201.890.

Kynning varðandi fyrirhugaðar framkvæmdir á reitnum og aðkomu Akureyrarbæjar.

Rut Jónsdóttir forstöðumaður umhverfis- og sorpdeildar sat fundin undir þessum lið.

Umhverfis- og mannvirkjaráð þakkar kynninguna.

Lagt fram minnisblað dagsett 10. mars 2021 varðandi áframhaldandi styrk til stígagerðar inn á Glerárdal úr Framkvæmdasjóði ferðamannastaða.

Rut Jónsdóttir forstöðumaður umhverfis- og sorpdeildar sat fundin undir þessum lið.

Umhverfis- og mannvirkjaráð lýsir ánægju með styrkveitinguna og samþykkir að leggja fram 20% mótframlag að upphæð kr. 4.761.000 og verður fjárhæðin tekin af framkvæmdaáætlun ársins í eignasjóði gatna.