Fræðsluráð - 20

Guðríður E. Friðriksdóttir sviðsstjóri umhverfis- og mannvirkjasviðs kom á fundinn og gerði grein fyrir stöðu mála við hönnun leikskóla á lóð Glerárskóla.

Undir 9. lið fundargerðar bæjarstjórnar frá 5. nóvember 2019 um ,,reglur um leikskólaþjónustu" var bókað: Meirihluti bæjarstjórnar samþykkir að vísa reglum um leikskólaþjónustu til frekari úrvinnslu í fræðsluráði.

Meirihluti fræðsluráðs staðfestir reglur um leikskólaþjónustu sem samþykktar voru á fundi ráðsins 28. október 2019 og vísar þeim til afgreiðslu bæjarstjórnar.

Þórhallur Harðarson D-lista greiðir atkvæði á móti.

Starfsáætlanir leikskóla Akureyrar fyrir skólaárið 2019-2020 lagðar fram til staðfestingar.

Í 14. gr. laga um leikskóla nr. 90/2008 segir um skólanámskrá og starfsáætlun:

Í hverjum leikskóla skal gefa út skólanámskrá og er leikskólastjóri ábyrgur fyrir gerð hennar. Skólanámskrá er nánari útfærsla á aðalnámskrá leikskóla og felur í sér uppeldis- og námsáætlun leikskóla þar sem markmið eru sett og skilgreindar leiðir að þeim markmiðum. Skólanámskrá tekur mið af sérstöðu skóla og skólastefnu viðkomandi sveitarfélags. Skólanámskrá skal endurskoða reglulega.



Leikskólastjóri gefur árlega út sérstaka starfsáætlun. Í starfsáætlun er gerð grein fyrir árlegri starfsemi leikskóla, svo sem skóladagatali og öðru því sem varðar starfsemi leikskólans.



Skólanámskrá og starfsáætlun skulu staðfestar af nefnd skv. 2. mgr. 4. gr., að fenginni umsögn foreldraráðs og skulu þær kynntar foreldrum."

Fræðsluráð staðfestir starfsáætlanir leikskólanna fyrir skólaárið 2019-2020.

Staða yfirvinnu fræðslusviðs lögð fram til kynningar.

Tillaga að fundaáætlun fyrir árið 2020 lögð fram til staðfestingar.

Fræðsluráð samþykkir fundaáætlun fræðsluráðs fyrir árið 2020.

Á fundi frístundaráðs þann 11. nóvember 2019 var gerð svohljóðandi bókun:

Til umræðu starfsemi frístundar í tengslum við verkefnið samfelldur vinnudagur barna.

Frístundaráð óskar eftir áliti fræðsluráðs á þeirri hugmynd að umsjón með frístund verði færð frá fræðslusviði yfir til samfélagssviðs.

Fræðsluráð felur sviðsstjóra fræðslusviðs að kanna kosti og galla við hugsanlega skipulagsbreytingu í samráði við samfélagssvið.

Eyrún Skúladóttir skólastjóri Glerárskóla kynnti skólastarfið og sýndi húsakynni.