Velferðarráð - 1355

Velferðarráð heimsótti skammtíma- og skólavistun í Þórunnarstræti 99.

Anna Einarsdóttir forstöðumaður tók á móti ráðinu, sýndi húsnæðið og sagði frá starfseminni.

Lagt fram minnisblað Önnu Einarsdóttur forstöðumanns og Karólínu Gunnarsdóttur þjónustustjóra dagsett 31. ágúst 2022 um húsnæðisþörf skammtíma- og frístundaþjónustu í Þórunnarstræti 99.

Anna Einarsdóttir forstöðumaður í Þórunnarstræti 99 sat fundinn undir þessum lið.

Velferðarráð leggur áherslu á að skammtíma- og frístundaþjónusta í Þórunnarstræti 99 fái afnot af kjallara húsnæðisins og óskar eftir aðkomu bæjarstjóra að málinu.

Lögð fram drög að fjárhagsáætlun velferðarsviðs fyrir árið 2023.

Kolbeinn Aðalsteinsson forstöðumaður skrifstofu sat fundinn undir þessum lið.

Lagður fram til kynningar rekstur velferðarsviðs fyrstu 7 mánuði ársins.

Kolbeinn Aðalsteinsson forstöðumaður skrifstofu sat fundinn undir þessum lið.

Lögð fram tillaga um breytingu á tímagjaldi í NPA fyrir árið 2022.

Kolbeinn Aðalsteinsson forstöðumaður skrifstofu sat fundinn undir þessum lið.

Velferðarráð samþykkir að tímagjald NPA samninga á Akureyri taki mið af útreikningum NPA miðstöðvarinnar. Breytingin verði afturvirk frá 1. janúar 2022. Málinu vísað til viðaukagerðar.

Lögð er fram beiðni til bæjarráðs um viðauka við fjárhagsáætlun. Lagt er til að hækka fjárhagsáætlun Notendastýrðrar persónulegrar aðstoðar (NPA) um upphæð kr. 29,4 milljónir vegna ársins 2022.

Kolbeinn Aðalsteinsson forstöðumaður skrifstofu sat fundinn undir þessum lið.

Lögð fram drög að samningi vegna umdæmisráðs barnaverndar sem mun taka til starfa 1. janúar 2023.

Vilborg Þórarinsdóttir forstöðumaður barnaverndar sat fundinn undir þessum lið.

Velferðarráð Akureyrarbæjar samþykkir að standa að umdæmisráði barnaverndar með öðrum sveitarfélögum á landsbyggðinni.

Ráðið veitir starfsmönnum velferðarsviðs umboð til að vinna að framgangi málsins og að undirbúningi og gerð samnings sem enn er ekki fullmótaður.

Lagður fram rammi að samningi ríkis og sveitarfélaga um samræmda móttöku flóttamanna.

Anna Marit Níelsdóttir forstöðumaður félagsþjónustu og Gyða Björk Ólafsdóttir verkefnastjóri samræmdrar móttöku flóttamanna sátu fundinn undir þessum lið.

Velferðarráð felur starfsmönnum að ganga til viðræðna við ríkið um samning varðandi samræmda móttöku flóttafólks.

Lögð fram drög að framkvæmda- og viðhaldsáætlun velferðarsviðs fyrir árin 2023 - 2026.

Anna Marit Níelsdóttir forstöðumaður félagsþjónustu sat fundinn undir þessum lið.

Velferðarráð samþykkir framkvæmda- og viðhaldsáætlun velferðarsviðs.