Stjórn Hlíðarfjalls - 5

Farið yfir sex mánaða rekstrarstöðu Hlíðarfjalls.

Stefán Gunnarsson starfandi forstöðumaður sat fundinn undir þessum lið.

Stjórn Hlíðarfjalls felur starfsmönnum fyrir næsta fund að greina betur launakostnað og þjónustukaup og eins að gera grein fyrir ráðstöfun þess fjármags sem samþykkt var að veita í reksturinn á fundi bæjarráðs þann 25. júlí sl.

Stefán Gunnarsson starfandi forstöðumaður Hlíðarfjalls gerði grein fyrir stöðu mála við uppsetningu á stólalyftu.

Lagður fram tölvupóstur dagsettur 13. ágúst 2020 frá Stefáni Gunnarssyni þar sem velt er upp breytingum á rekstri með tilkomu lyftunnar.

Stjórn Hlíðarfjalls leggur á það áherslu að allur frágangur við lyftuna verði með þeim hætti að ekki muni falla til kostnaður á Akureyrarbæ eftir að lyftan er komin í gang.

Lagðar fram upplýsingar um aðsókn að Hlíðarfjalli í júlí og ágúst.

Farið yfir drög að samningi við Skíðafélag Akureyrar.

Stjórn Hlíðarfjalls felur starfsmanni að gera breytingar á drögunum út frá umræðum á fundinum.

Lagt fram minnisblað frá Ingu Þöll Þórgnýsdóttur bæjarlögmanni.

Stjórnin telur æskilegt að auglýst verði eftir áhugasömum aðilum til að koma að rekstri Hlíðarfjalls, annað hvort að hluta eða öllu leyti og felur starfsmanni að undirbúa málið.



Stjórnin mun koma saman á vinnufundi þriðjudaginn 8. september nk. til að fara betur yfir framtíðarrekstrarstarfsemi Hlíðarfjalls.