Stjórn Hlíðarfjalls - 7

Lagt fram minnisblað dagsett 29. september 2020 frá Brynju Björgu Halldórsdóttur f.h. Ríkiskaupa vegna úthýsingar á rekstri Hlíðarfjalls.

Stjórn Hlíðarfjalls felur starfsmönnun að vinna áfram gögn í málinu þannig að hægt sé að bjóða reksturinn út strax á nýju ári og nýir rekstraraðilar taki við á vormánuðum.

Umræða um gjaldskrármál Hlíðarfjalls.

Stjórn Hlíðarfjalls samþykkir fyrir sitt leyti breytingar á gjaldskrá. Stjórnin leggur til vegna COVID að veittur verði í vetur 50% afsláttur af vetrarkortum fyrir börn þannig að öll vetrarkort barna verði á 7.000 kr. Stjórn Hlíðarfjalls vísar gjaldskránni til staðfestingar í bæjarstjórn.

Erindi dagsett 13. september 2020 frá Sigrúnu Huldu Sigmundsdóttur hótelstjóra Icelandair Hotels á Akureyri þar sem óskað er eftir samstarfi um sölu á lyftukortum í Hlíðarfjall.

Stjórn Hlíðarfjalls getur ekki orðið við erindinu en felur formanni og sviðsstjóra samfélagssviðs að ræða við bréfritara um samstarf á breiðari grunni.

Samningur við Skíðafélag Akureyrar lagður fram til kynningar.

Stjórn Hlíðarfjalls samþykkir að fela sviðsstjóra samfélagssviðs að fara yfir samninginn með SKA.

Lagt fram minnisblað frá Stefáni Gunnarssyni starfandi forstöðumanni Hlíðarfjalls ásamt upplýsingum um 8 mánaða stöðu.

Fylgiskjöl

• Hlidarfjall_stada_8man2020.pdf

Farið yfir samningsdrög við Zalibunu ehf.

Stjórn Hlíðarfjalls telur verkefnið áhugavert og felur sviðsstjóra samfélagssviðs að halda samtalinu áfram við forsvarsmenn Zalibunu.