Stjórn Hlíðarfjalls - 16

Farið yfir gögn sem tengjast útboði á rekstri Hlíðarfjalls.

Dan Brynjarsson sviðsstjóri fjársýslusviðs og Inga Þöll Þórgnýsdóttir bæjarlögmaður sátu fundinn undir þessum lið.

Stjórn Hlíðarfjalls samþykkir að rekstur Hlíðarfjalls verði hjá Akureyrarbæ skíðaveturinn 2021 til 2002 en skoðað verði með útboð á einstökum þáttum s.s. á skíðakennslu, veitingarekstri, snjótroðslu og skíðaleigu.

Útboð á heildarrekstri Hlíðarfjalls verður tekið til endurskoðunar á árinu 2022.

Erindi dagsett 14. maí 2021 frá Kristrúnu Birgisdóttur og Ólafi Björnssyni f.h. Skíðafélags Akureyrar þar sem óskað er eftir stuðningi vegna alþjóðlegs skíðagöngumóts sem haldið verður í Hlíðarfjalli 2022. Um er að ræða beiðni um framkvæmdaleyfi og fjármagn við uppbyggingu brauta og framkvæmdaleyfi fyrir klúbbhúsi.

Á fundi stjórnar þann 29. júní sl. var afgreiðslu frestað.

Drög að samningi lögð fram til samþykktar.

Brynjar Helgi Ásgeirsson forstöðumaður Hlíðarfjalls sat fundinn undir þessum lið.

Stjórn Hlíðarfjalls telur það samræmast stefnu um bætta lýðheilsu að forgangsraða fjármunum til þess að bæta aðgengi almennings að gönguskíðasvæði og samþykkir því að styrkja SKA um 4 milljónir króna til að laga bæði braut og flöt. Ósk SKA um að farið verði í aðstöðuhús með aðkomu bæjarins telur stjórnin ekki hægt að verða við að svo stöddu og bendir á að óskilgreint er hvort eða hvenær Akureyrarbær stefnir á uppbyggingu á svæðinu. Telji SKA sig geta fjármagnað og byggt aðstöðuna sjálf verður beiðnin endurskoðuð.

Fylgiskjöl

• O´sk um uppbyggingu a´ Go¨nguski´ðasvæðinu i´ Hli´ðarfjalli - til stjo´rnar Hli´ðarfjalls.pdf
• SamningurScand.Cup2022.pdf

Lagt fram til kynningar 6 mánaða rekstraryfirlit og jafnframt erindi frá forstöðumanni um kaup á búnaði.

Brynjar Helgi Ásgeirsson forstöðumaður Hlíðarfjalls sat fundinn undir þessum lið.

Stjórn Hlíðarfjalls felur starfsmönnum að forgangsraða endunýjun á búnaði og leggja fram áætlun um fjármögnun á næsta fundi.

Fylgiskjöl

• hlidarfjall_6man_yfirlit_2021.pdf