Stjórn Fasteigna Akureyrarbæjar - 269

Lögð fram til kynningar stöðuskýrsla 8 fyrir stjórn FA dagsett 4. nóvember 2015.

Steinþór Kári Kárason hönnuður hjá Kurt og Pí kynnti frumtillögur að breytingum á Listasafninu.

Stjórn Fasteigna Akureyrarbæjar þakkar kynninguna.



Njáll Trausti Friðbertsson D-lista óskar bókað:

Ég óska eftir upplýsingum um það hver rekstrarkostnaður Listasafnsins er, þar með talin leiga til Fasteigna Akureyrarbæjar. Verður miðað við þær hugmyndir sem nú er unnið eftir varðandi Listasafnið þar sem meðal annars er gert ráð fyrir að Ketilhúsið verði hluti af safninu. Hver er kostnaðaráætlun verkefnisins sem unnið er eftir?

Lögð fram beiðni ódagsett frá MAk og stjórn Akureyrarstofu um kaup á ljósaborði fyrir Hof menningarhús.

Stjórn Fasteigna Akureyrarbæjar samþykkir kaupin þar sem þau rúmast innan framkvæmdaáætlunar ársins 2015.

Lagt fram minnisblað dagsett 4. nóvember 2015 vegna flutnings dagþjónustunnar í Hlíð.

Lögð fram bréf frá skólastjóra Glerárskóla og skólaráði Glerárskóla dagsett 2. og 3. nóvember 2015 varðandi loftræstingu í skólanum.

Stjórn Fasteigna Akureyrarbæjar felur starfsmönnum Fasteigna Akureyrarbæjar að gera úttekt á húsnæði skólans.

Endurskoðuð jafnréttisáætlun sem gildir til ársins 2019 lögð fram til umsagnar.

Afgreiðslu frestað til næsta fundar.

Farið yfir þær upplýsingar sem liggja fyrir varðandi móttöku flóttamanna til Akureyrar og þau verkefni sem liggja fyrir hjá Fasteignum Akureyrarbæjar er það varðar.

Eftirfarandi verkfundargerðir lagðar fram á fundinum:

Listasafn endurbætur: 5. fundur verkefnisliðs dagsett 27. október 2015.

NSK-ÍÞH: 8. verkfundur dagsett 30. október 2015.

Þ99 kjallari: 10.- 12. verkfundur dagsett 19. og 28. október og 2. nóvember 2015.