Stjórn Akureyrarstofu - 318

Lögð fram til kynningar skýrsla um starf flugklasans undanfarna mánuði.

Arnheiður Jóhannsdóttir framkvæmdastjóri MN gerði grein fyrir skýrslunni.

Stjórn Akureyrarstofu tekur undir sjónarmið sem koma fram í bókun Markaðsstofu Norðurlands vegna verkefnisins Vörður fyrirmyndar áfangastaðir og telur að dreifing fjármagns í verkefninu samrýmist illa opinberri stefnu um dreifingu ferðamanna um landið.

Karl Liljendal Hólmgeirsson mætti á fundinn kl. 12:20.

Fylgiskjöl

• Flugklasinn - staða apríl 2021.pdf

Þann 27. apríl sl. var undirritaður samningur milli Markaðsstofu Norðurlands og landshlutasamtakanna SSNV og SSNE um rekstur Áfangastaðastofu.

Arnheiður Jóhannsdóttir framkvæmdastjóri MN kynnti verkefnið.

Stjórn Akureyrarstofu þakkar Arnheiði fyrir greinargóða kynningu.

Fylgiskjöl

• afangastadaaaetlun-2021-2023.pdf

Aðalfundur Markaðsstofu Norðurlands verður haldinn 11. maí nk.

Arnheiður Jóhannsdóttir framkvæmdastjóri MN sat fundinn undir þessum lið og kynnti dagskrá aðalfundarins og þau mál sem fyrir fundinum liggja.

Lagðar fram til kynningar aðsóknartölur að Listasafninu fyrstu mánuði ársins ásamt upplýsingum um styrkveitingar sem Listasafnið fékk frá Safnaráði.

Hlynur Hallsson safnstjóri sat fundinn undir þessum lið.

Stjórn Akureyrarstofu fagnar þeim styrkveitingum sem Listasafnið á Akureyri hefur fengið.

Fylgiskjöl

• Fimm styrkir frá Safnaráði.pdf

Á fundi stjórnar Akureyrarstofu þann 25. mars sl. kynnti Hlynur Hallsson safnstjóri Listasafnsins á Akureyri hugmynd að varðveislu listaverks eftir listamanninn Margeir Dire Sigurðarson (1985-2019) sem staðsett er í porti neðan veitingastaðarins Rub.

Stjórn Akureyrarstofu lýsti yfir áhuga á þátttöku í að varðveita verkið og fól safnstjóra að ræða við aðstandendur og vini Margeirs og KEA sem er eigandi húsveggjarins um hugsanlegt samstarf.

Hlynur Hallsson safnstjóri gerði grein fyrir framvindu verkefnisins.

Stjórn Akureyrarstofu fagnar þeim jákvæðu viðbrögðum sem safnstjóri hefur fengið við hugmyndinni um endurgerð listaverksins.

Eigandi veggjarins, KEA, hefur ákveðið að leggja kr. 100.000 í verkefnið og Slippfélagið mun gefa efni. Fjölskylda, vinir og velunnarar munu svo koma að endurgerð listaverksins sem verður framkvæmd á Akureyrarvöku í lok ágúst.



Akureyrastofa mun fjármagna endurgerð verkefnsins með framlagi allt að kr. 200.000.

Lögð fram drög að Samþykkt um listaverkakaup.

Stjórn Akureyrarstofu felur starfsmönnum að vinna málið áfram.

Á fundi stjórnar Akureyrarstofu þann 26. janúar sl. var samþykkt að auglýsa að nýju Sigurhæðir til útleigu. Frestur til að skila inn hugmyndum og tilboðum rann út 26. febrúar. Tvö tilboð bárust og hefur annað verið dregið til baka.

Stjórn Akureyrarstofu felur starfsmönnum að ganga til samninga við Kristínu Þóru Kjartansdóttur f.h. Flóru menningarhúss ehf. um leigu á Sigurhæðum.

Þórgnýr Dýrfjörð forstöðumaður Akureyrarstofu kynnti beinagrind að samkeppnisgreiningu sem unnin hefur verið í samvinnu við SSNE.

Lagt fram til kynningar þriggja mánaða yfirlit, janúar til mars 2021.

Lögð fram til kynningar samantekt á yfirvinnu í hlutfalli við dagvinnu á kostnaðarstöðvum sem heyra undir stjórn Akureyrarstofu.

Fundargerð stjórnar Minjasafnsins nr. 19 lögð fram til kynningar.

Fylgiskjöl

• 19. fundargerð stjórnar Minjasafnsins á Akureyri.pdf