Stjórn Akureyrarstofu - 310

Starfs- og fjárhagsáætlun fyrir árið 2021 lögð fram.

Meirihluti stjórnar Akureyrarstofu samþykkir verkefni starfsáætlunar og felur starfsmönnum að útfæra betur 90 daga sprettina og setja kostnaðartölur inn á verkefnin eins og hægt er.

Finnur Dúa Sigurðsson V-lista sat hjá.

Fulltrúi V-lista óskar bókað: Ég vil koma á framfæri óánægju minni með umræðu vegna flugklasans Air66. Þrátt fyrir útskýringar og aðkomu Íslandsstofu og Isavia að markaðssetningu á Akureyrarflugvelli og þeim möguleikum sem við það opnast mun 9 milljóna framlag til flugklasans vera óskert þrátt fyrir aðhaldsaðgerðir í mörgum málaflokkum sem ýmist snerta beina þjónustu við bæjarbúa eða gjaldskrárhækkanir. Ég tel illa farið með almannafé þar sem um sambærileg verkefni er að ræða sem þá verða unnin á tveimur stöðum. Ég tel að þetta geti skemmt fyrir þeim möguleika að ríkið taki við að fjármagna markaðssetningu á Akureyrarflugvelli sem alþjóðaflugvelli.

Þjónustusamningur við Minjasafnið rennur út um áramótin. Endurnýjaður samningur fyrir árin 2021 - 2023 lagður fram til samþykktar.

Málið var áður á dagskrá á fundi stjórnar Akureyrarstofu þann 19. nóvember sl. og var þá afgreiðslu frestað.

Stjórn Akureyrarstofu samþykkir samninginn og vísar honum til endanlegrar samþykktar í bæjarráði. Jafnframt óskar stjórn Akureyrarstofu eftir því að rammi málaflokks 105 í áætlun 2021 verði hækkaður sem nemur innri leigu vegna geymsluhúsnæðis Minjasafnsins að Naustum.

Lagt fram yfirlit um tillögur sem fram komu á stórþingi ungmenna sem haldið var 6. september 2019 og í viðtalstímum bæjarfulltrúa í grunnskólum bæjarins haustið 2019.

Á fundi bæjarráðs þann 26. nóvember sl. var liðunum Akureyrarstofa 1-3 vísað til stjórnar Akureyrarstofu.

Stjórn Akureyrarstofu þakkar ungmennum fyrir spurningar og áskoranir.

Varðandi mikilvægi þess að Hríseyjarhátíðin verði skemmtilegri munu starfsmenn Akureyrarstofu ræða við skipuleggjendur hátíðarinnar og horfa til þessarar ábendingar.

Unnið er að markaðssetningu á ferðaþjónustu í Hrísey og verður horft sérstaklega til markaðssetningar á tjaldsvæðinu í eyjunni í kjölfar þessarar ábendingar.

Varðandi fyrirspurn um fleiri fjölskylduhátíðir þá er til endurskoðunar aðkoma Akureyrarbæjar að hátíðum almennt. Sérstaklega eru til skoðunar hátíðir er tengjast útivist- og íþróttum.

Fylgiskjöl

• Viðtalstímar bæjarfulltrúa í grunnskólum haustið 2019 - Akureyrarstofa.pdf

Lögð fram til kynningar samantekt á yfirvinnu í hlutfalli við dagvinnu á kostnaðarstöðvum sem heyra undir stjórn Akureyrarstofu.

Lagt fram til kynningar 10 mánaða rekstraryfirlit.

Lögð fram beiðni um viðauka til bæjarráðs vegna leiðréttingar á áætlun ársins.

Stjórn Akureyrarstofu samþykkir að óska eftir því við bæjarráð að veittur verði viðauki við málaflokk 105 vegna fjárhagsáætlunar 2020. Um er að ræða hækkun á innri leigu vegna Sigurhæða og Deiglunnar að upphæð kr. 8.443.000 og leiðréttingu á samningi við Minjasafnið um Skáldahúsin að upphæð kr. 300.000. Einnig er lækkun á tekjum á Minjasafnið um kr. 1.000.000.

Jafnframt óskar stjórn Akureyrarstofu eftir því að bæjarráð samþykki að færa kr. 3.000.000 af málaflokki 113 yfir á 105 til að koma til móts við Minjasafnið um leiðréttingu á framlagi samnings 2020 vegna launahækkana og starfsmats sem orðið hafa á árinu.

Fylgiskjöl

• malaflokkur_105_10man_2020.pdf
• malaflokkur_113_10man.pdf

Fundargerð stjórnar MAk nr. 124 lögð fram til kynningar.

Fylgiskjöl

• Mak. 124.fundur.pdf

Fundargerðir stjórnar SSNE nr. 17 og 18 auk fundargerðar frá ársfundi í október lagðar fram til kynningar.

Fylgiskjöl

• Fundargerð_arsthing_09_10_okt_2020.pdf
• Fundargerð 18. fundar.pdf
• Fundargerð 17. fundar.pdf

Fundargerð stjórnar AFE nr. 246 lögð fram til kynningar.

Fylgiskjöl

• 246_stjfundur_AFE.pdf