Stjórn Akureyrarstofu - 273

Til umræðu hvaða verkefni er hægt að vinna fyrir Hrísey og Grímsey í tengslum við byggðaáætlun.

Helga Íris Ingólfsdóttir verkefnastjóri brothættra byggða mætti á fundinn.

Stjórn Akureyrarstofu þakkar Helgu Írisi fyrir komuna á fundinn.

Umræður um með hvaða hætti Akureyrarbær getur sýnt frumkvæði í samvinnu við stoðstofnanir og ríkisstofnanir þegar kemur að verkefnum í stefnumótandi byggðaáætlun.



Allar upplýsingar um byggðaáætlun er að finna á heimasíðu Byggðastofnunar.

https://www.byggdastofnun.is/is/verkefni/byggdaaaetlun/byggdaaaetlun-2017-2023

Stjórn Akureyrarstofu felur starfsmönnum í samstarfi við stoðstofnanir að gera áætlun um með hvaða hætti Akureyrarbær hyggst sýna frumkvæði í verkefnum er tengjast stefnumótandi byggðaáætlun. Þá óskar stjórn eftir upplýsingum um stöðu ríkisstarfa án staðsetningar og stöðu á skýrslu samgöngu- og sveitarstjórnarráðuneytisins er varðar verðjöfnun á flugvélaeldsneyti á millilandaflugvöllum landsins.

Almar Alfreðsson verkefnastjóri menningarmála mætti á fundinn og kynnti verklagsreglur vegna úthlutunar styrkja í tengslum við barnamenningarhátíð.

Stjórn Akureyrarstofu samþykkir framlagðar verklagsreglur með þeim breytingum sem fram komu á fundinum.

Til umræðu erindi frá N4 þar sem óskað er eftir áframhaldandi samstarfi. Hugmyndir N4 um samstarfsfleti lagðar fram til kynningar.

Stjórn Akureyrarstofu hyggst ekki gera fastan þjónustusamning um kynningarmál að svo stöddu en þakkar N4 framlagðar hugmyndir.

Starfsmönnum er falið að skoða hugmyndir N4 sem og aðrar sem tengjast kynningarmálum, kynningaáætlunum sviða og upplýsingastefnu í samræmi við fjárheimildir.

Undirbúningshópur sem kemur að matvælasýningunni Local Food Festival á Norðurlandi sem haldin verður í Hofi laugardaginn 16. mars nk. óskar eftir styrk sem nemur leigu á Menningarhúsinu Hofi eða kr. 339.000.

Stjórn Akureyrarstofu samþykkir að styrkja sýninguna sem nemur leigu á Menningarhúsinu Hofi.

Á fundi bæjarráðs þann 28. febrúar sl. var tekið fyrir erindi dagsett 17. febrúar 2019 frá Ingvari Teitssyni formanni Gönguleiðanefndar Ferðafélags Akureyrar þar sem óskað er eftir styrk frá Akureyrarbæ vegna gerðar og uppsetningar útsýnisskífu á Ytri-Súlu.

Bæjarráð vísaði málinu til stjórnar Akureyrarstofu.

Stjórn Akureyrarstofu samþykkir að styrkja gerð útsýnisskífu á Ytri-Súlum um kr. 100.000.

Lögð fram aðgerðaráætlun stjórnar Akureyrarstofu vegna velferðarstefnu Akureyrarbæjar.

Stjórn Akureyrarstofu samþykkir framlagða aðgerðaráætlun með þeim breytingum sem voru gerðar á fundinum.

Lögð fram til kynningar samantekt á yfirvinnu í hlutfalli af dagvinnu á kostnaðarstöðum sem heyra undir stjórn Akureyrarstofu.

Fundarhlé gert kl. 16:15.

Fundi framhaldið í Deiglunni kl. 16:20.

Stjórn Gilfélagsins bauð stjórn Akureyrarstofu til móttöku í Deiglunni til að ræða hugmyndir félagsins um framtíðarsýn á nýtingu húsnæðisins.

Stjórn Akureyrarstofu þakkar stjórn Gilfélagsins fyrir boðið í Deigluna, fyrir upplýsandi umræður og góðar móttökur.

Fundarhlé gert kl. 17:10.

Fundi framhaldið í flugsafni Íslands kl. 17:20.

Boð frá Gesti Einari Jónassyni safnstjóra Flugsafns Íslands þar sem stjórn Akureyrarstofu er boðið í heimsókn á safnið til að kynna sér þá blómlegu starfsemi sem fram fer í safninu m.a. í tengslum við nám flugvirkjanema.

Á móti stjórn Akureyrarstofu tóku Gestur Einar Jónasson safnstjóri og Hörður Geirsson formaður stjórnar safnsins.

Stjórn Akureyrarstofu þakkar forsvarsmönnum Flugsafnsins fyrir góðar móttökur og fræðandi leiðsögn um safnið.