Stjórn Akureyrarstofu - 306

Á síðasta fundi var óskað eftir frekari upplýsingum um verkefnið "Hinn hluti Íslands" sem fram kom í stöðuskýrslu um flugklasann.

Arnheiður Jóhannsdóttir framkvæmdastjóri Markaðstofu Norðurlands og Hjalti Páll Þórarinsson verkefnastjóri AIR66 sátu fundinn undir þessum lið.

Stjórn Akureyrarstofu þakkar Arnheiði og Hjalta fyrir veittar upplýsingar og gagnlegar umræður. Stjórn Akureyrarstofu felur formanni að vinna málið áfram.

Minnisblað dagsett 5. október 2020 frá starfsmönnum Minjasafnsins þar sem vakin er athygli á hugsanlegri kjaraskerðingu sem starfsmenn kunna að verða fyrir við þá breytingu að Minjasafnið sjálft sjái um launagreiðslur en ekki Akureyrarbær.

Haraldur Þór Egilsson safnstjóri Minjasafnsins sat fundinn undir þessum lið.

Haraldur gerði grein fyrir rekstrarstöðu safnsins í ljósi COVID-19.

Stjórn Akureyrarstofu þakkar Haraldi fyrir komuna á fundinn og vísar erindinu um lífeyrissjóðsmálið til bæjarráðs.

Umræða um starfs- og fjárhagsáætlun stjórnar Akureyrarstofu 2021 ásamt umræðu um gjaldskrár.

Hólmkell Hreinsson forstöðumaður Amtsbókasafnsins sat fundinn undir þessum lið.

Erindin dagsett 14. september 2020 frá Þuríði Helgu Kristjánsdóttur framkvæmdastjóra MAk þar sem óskað er eftir að Akureyrarbær kaupi tækjabúnað að upphæð 9 milljónir króna vegna reksturs Hofs sem tónleika- og ráðstefnuhúss.

Stjórn Akureyrarstofu samþykkir erindið fyrir sitt leyti og vísar því til umhverfis- og mannvirkjaráðs.

Erindi dagsett 9. október 2020 frá Pétri Inga Haraldssyni sviðsstjóra skipulagsviðs þar sem óskað er eftir umsögn stjórnar Akureyrarstofu um hvort að það kæmi til greina að nýta lóð, Krókeyri 1, fyrir nýjan búsetukjarna með öryggisvistun.

Stjórn Akureyrarstofu gerir ekki athugasemdir við tillöguna.