Stjórn Akureyrarstofu - 276

Erindi dagsett 18. mars 2019 frá Kristínu Sóleyju Björnsdóttur f.h. stjórnar Gásakaupstaðar ses þar sem óskað er eftir viðræðum um framtíð verkefnisins sem og kynningu á stöðu mála.

Kristín Sóley Björnsdóttir formaður stjórnar og fulltrúi Akureyrarbæjar og Hanna Rósa Sveinsdóttir frá Gásakaupstað ses mættu á fundinn.

Stjórn Akureyrarstofu þakkar greinargóða kynningu og samþykkir að vísa erindinu til verkefnastjórnar um gerð safnastefnu Akureyrarbæjar.

Farið yfir tillögur að heiðursviðurkenningum menningarsjóðs 2019.

Almar Alfreðsson verkefnastjóri menningarmála sat fundinn undir þessum lið.

Farið yfir hugmyndir og tillögur um heiðursviðurkenningar Menningarsjóðs árið 2019. Tilkynnt verður um niðurstöður á Vorkomu Akureyrarstofu á sumardaginn fyrsta.

Farið yfir tillögur fagráðs vegna byggingalistaverðlauna og viðurkenninga húsverndarsjóðs.

Almar Alfreðsson verkefnastjóri menningarmála sat fundinn undir þessum lið og kynnti tillögur fagráðs.

Stjórn Akureyrarstofu samþykkir tillögur fagráðs.

Lagt fram til kynningar þriggja mánaða rekstraryfirlit, janúar til mars 2019.

Karl Liljendal Hólmgeirsson mætti á fundinn 13:45.

Lögð fram til kynningar samantekt á yfirvinnu í hlutfalli við dagvinnu á kostnaðarstöðum sem heyra undir frístundaráð.

Þorsteinn S. Pétursson kom í viðtalstíma bæjarfulltrúa. Óskar eftir að Akureyrarkaupstaður komi að því að bærinn verði uppbyggingarstaður fyrir verndun og viðhald tréskipa. Að hér verði þekking efld og nýnemar fengnir til starfa eftir því sem verkefni skapast. Hann leggur til að þetta verði samstarfsverkefni Akureyrarbæjar, Slippsins, Hafnasamlags Norðurlands, Háskólans á Akureyri, Verkmenntaskólans á Akureyri, Þjóðminjasafns og Minjastofnunar.

Bæjarráð tók erindið fyrir á fundi sínum þann 7. mars og vísaði því til stjórnar Akureyrarstofu.

Stjórn Akureyrarstofu óskar eftir því að AFE taki málið til skoðunar og kalli hagsmunaaðila til fundar. Einnig samþykkir stjórnin að vísa erindinu til verkefnastjórnar um safnastefnu.

Lögð fram til kynningar skýrsla Landsbókasafnsins vegna skylduskila Amtsbókasafnsins

Lagður fram til samþykktar samningur vegna Iceland Winter Games 2019. Erindið var áður á dagskrá stjórnar þann 7. febrúar sl.

Stjórn Akureyrarstofu samþykkir framlagðan samning og felur deildarstjóra Akureyrarstofu að hefja viðræður við forsvarsmenn IWG um framtíð hátíðarinnar og mögulegt áframhaldandi samstarf til næstu ára.

Stjórn Akureyrarstofu þarf að skipa tvo aðila í verkefnisstjórn um mótun safnastefnu.

Stjórn Akureyrarstofu tilnefnir Sigfús Karlsson og Finn Dúa Sigurðsson í verkefnastjórn um safnastefnu.

Erindi dagsett 5. febrúar 2019 frá Lindu Maríu Ásgeirsdóttur, f.h. undirbúningsnefndar, þar sem óskað er eftir styrk að upphæð kr. 300.000 vegna Hríseyjarhátíðar 2019.

Stjórn Akureyrarstofu samþykkir styrk að upphæð kr. 300.000 vegna Hríseyjarhátíðar 2019.

Til umræðu samstarfssamningur við Ferðamálafélag Hríseyjar.

Stjórn Akureyrarstofu felur starfsmönnum að vinna málið áfram út frá umræðum á fundinum.

Farið yfir stöðu aðgerða upplýsingastefnu.

Lagðar fram til kynningar fundargerðir stjórnar Minjasafnsins frá 27. nóvember og 11. desember 2018, 12. febrúar og 12. mars 2019.