Stjórn Akureyrarstofu - 295

<br />

Hlynur Hallsson safnstjóri Listasafnsins mætti á fundinn og fór yfir drög að auglýsingu vegna útleigu á jarðhæð Ketilhússins. Einnig kynnti hann tillögu um lækkun á gjaldskrá vegna útleigu á aðalsal Ketilhússins.

Stjórn Akureyrarstofu fagnar því að brátt færist menningarlegt líf í jarðhæð Ketilhússins. Stjórnin samþykkir tillögu um að leigufjárhæð fyrir jarðhæð Ketilhússins verði kr. 145.000 á mánuði. Jafnframt samþykkir stjórnin að gjaldskrá fyrir aðalsal hússins verði breytt þannig að leiga fyrir 2 klst. verði kr. 60.000 í stað kr. 82.000 áður og að leiga til stofnana Akureyrarbæjar fyrir samskonar leigu fari úr kr. 52.000 í kr. 40.000.

Tillögur fagráðs um styrkveitingar til verkefna á barnamenningarhátíð 2020 lagðar fram til samþykktar.

Almar Alfreðsson verkefnastjóri menningarmála mætti á fundinn og kynnti tillögurnar.

Stjórn Akureyrarstofu samþykkir tillögur fagráðs barnamenningarhátíðar.

Fylgiskjöl

• Styrkt verkefni 2020.pdf

Samstarf safna - ábyrgðarsöfn. Skýrsla um sameiningu og samvinnu safna á Eyþingssvæðinu lögð fram til kynningar. Skýrslan var unnin af RHA fyrir Eyþing og gefin út í janúar 2020.

Stjórn Akureyrarstofu þakkar fyrir skýrsluna og hvetur til þess að Samtök sveitarfélaga og atvinnuþróunar á Norðurlandi eystra (SSNE) boði fulltrúa safna á svæðinu til fundar þar sem efni skýrslunnar verði kynnt og hafin umræða um sameiginleg verkefni og snertifleti í starfsemi þeirra.

Fylgiskjöl

• samstarf-sameiningar-safna_skyrsla.pdf

Rætt um drög að safnastefnu, einstök verkefni og kostnað við þau.

Drög að samningi við Viðburðastofu Norðurlands vegna Iceland Winter Games (IWG) 2020 - 2022 lögð fram til kynningar.

Stjórn Akureyrarstofu samþykkir drögin með þeim breytingum sem ræddar voru á fundinum.

Lagður fram til samþykktar samningur við Ferðamálafélag Hríseyjar.

Stjórn Akureyrarstofu samþykkir samninginn.