Stjórn Akureyrarstofu - 281

Hlynur Hallsson safnstjóri Listasafnsins mætti á fundinn og gerði grein fyrir stöðu mála er lýtur að rekstri kaffihúss í Listasafninu.

Stjórn Akureyrarstofu þakkar Hlyni fyrir framlagðar upplýsingar og leggur áherslu á að fundinn verði nýr rekstraraðili að kaffihúsi í Listasafninu.

Lagðar fram rekstrar- og aðsóknartölur að Listasafninu fyrstu fimm mánuði ársins. Hlynur Hallsson safnstjóri mætti á fundinn undir þessum lið.

Stjórn Akureyrarstofu telur mikilvægt að safnstjóri og sviðsstjóri leggi fram tillögu til stjórnar um með hvaða hætti brugðist verði við neikvæðum rekstri miðað við áætlun fyrstu fimm mánuði ársins. Þá felur stjórn safnstjóra að leggja fram minnisblað til stjórnar um framkvæmdir við safnið og verklok þannig að hægt verði að fá inn tekjur af útleigu og í framhaldinu verði fundað með sviðsstjóra umhverfis- og mannvirkjasviðs.

Drög að nýjum samstarfssamningi við Ferðamálafélag Hríseyjar lagður fram til umræðu.

Stjórn Akureyrarstofu samþykkir að gera eins árs samstarfssamning að svo stöddu að upphæð kr. 600.000.

Erindi dagsett 31. maí 2019 frá Hjalta Páli Þórarinssyni f.h. Markaðsstofu Norðurlands þar sem óskað er áframhaldandi fjárstuðnings við verkefnið Flugklasinn Air 66N.

Stjórn Akureyrarstofu samþykkir að gerður verði árs samningur við Markaðsstofu Norðurlands vegna Air 66N og felur sviðsstjóra að ganga frá samningnum til undirritunar.

Erindi dagsett 15. maí 2019 frá Rannveigu Oddsdóttur formanni Akureyrarhlaupsnefndar UFA þar sem óskað er eftir kr. 200.000 styrk vegna Akureyrarhlaupsins 4. júlí nk.

Stjórn Akureyrarstofu samþykkir að styrkja UFA um kr. 100.000 vegna hlaupsins.

Ársreikningur Minjasafnsins fyrir árið 2018 lagður fram til kynningar.

Umræða um starfs- og fjárhagsáætlun stjórnar Akureyrarstofu 2020.

Finnur Sigurðsson vék af fundi kl. 17:10.

Lagt fram til kynningar rekstraryfirlit fyrir fyrstu fimm mánuði ársins 2019

Fundargerðir stjórnar AFE nr. 231 og 232 lagðar fram til kynningar.