Stjórn Akureyrarstofu - 96

Lagður fram til staðfestingar samningur sveitarfélaganna sem gerður er í tengslum við samstarfssamning mennta- og menningarráðuneytisins og iðnaðarráðuneytisins annars vegar og Eyþings hins vegar um menningarmál og menningartengda ferðaþjónustu. Ragnheiður Jóna Ingimarsdóttir menningarfulltrúi Eyþings kom á fundinn og kynnti samninginn og starfsemi Menningarráðs Eyþings.

<DIV&gt;Stjórn Akureyrarstofu staðfestir samning sveitarfélaganna&nbsp;fyrir sitt leyti. Jafnframt þakkar stjórnin Ragnheiði Jónu fyrir greinargóða kynningu á starfsemi menningarráðsins og kynningu á samningi Eyþings og ráðuneytanna. Framlag ráðuneytanna er samtals 26,6 mkr. og framlag sveitarfélaganna samtals 10,6 mkr. en þar af greiðir Akureyrarsbær 6,5 mkr.</DIV&gt;

Farið yfir undirbúning fyrir Vorkomu stjórnar Akureyrarstofu sem haldin verður þann 12. maí nk. Venjan er að halda Vorkomuna á sumardaginn fyrsta, en henni var frestað að þessu sinni þar sem sumardaginn bar upp á skírdag. \nHulda Sif Hermannsdóttir verkefnisstjóri viðburða og menningarmála mætti á fundinn undir þessum lið og fór yfir umsóknir um starfslaun og tillögur um heiðursviðurkenningar Menningarsjóðs og viðurkenningar Húsverndarsjóðs.

<DIV&gt;Afgreiðslu frestað til næsta fundar.</DIV&gt;

Menntamálaráðuneytið gerir það að tillögu sinni að fyrri samningur verði framlengdur um 1 ár óbreyttur í ljósi þess að ekki liggur fyrir hver framlög til nýs samnings á ári 2 og 3 geta orðið. Jafnframt að lengri samningur muni ekki breyta framlögum ársins 2011. Hins vegar verði nýjum samningi lokið fyrir 1. ágúst nk.

<DIV&gt;Stjórn Akureyrarstofu samþykkir tillögu ráðuneytisins fyrir sitt leyti. Stjórnin leggur hins vegar áherslu á að þegar verði látið reyna á hvort ráðuneytið taki yfir&nbsp;kostnað vegna skylduskila sem Amtsbókasafnið annast fyrir hönd ríkisins en Akureyrarbær tekur þátt í að greiða og að nýr 3ja ára samningur liggi fyrir eigi síðar en 1. ágúst nk. eins og&nbsp;endurnýjunartillagan gerir ráð fyrir.</DIV&gt;

Farið yfir hugmyndir um breytingar í Listagilinu sem fela það m.a. í sér að Listasafnið á Akureyri og Menningarmiðstöðin í Listagili verði sameinuð.

<DIV&gt;Umræðu haldið áfram á næsta fundi.</DIV&gt;

Guðrún Þórsdóttir fulltrúi V-lista lagði til að leitað verði formlega til ungmennaráðs Akureyrar um að taka þátt í vinnu við endurskoðun menningarstefnunnar.

<DIV&gt;Stjórn Akureyrarstofu samþykkir tillöguna og felur Þórgný Dýrfjörð framkvæmdastjóra Akureyrarstofu að útfæra leiðir til þess.</DIV&gt;