Stjórn Akureyrarstofu - 177

María Helena Tryggvadóttir fulltrúi ferðamála hjá Akureyrarstofu og Albertína Friðbjörg Elíasdóttir atvinnumálafulltrúi mættu á fundinn undir þessum lið og kynntu drög að gerð ferðamálastefnu fyrir Akureyri.

<DIV><DIV>Stjórn Akureyrarstofu þakkar Maríu Helenu og Albertínu fyrir kynninguna.</DIV></DIV>

Sigurður Kristinsson stjórnarformaður Menningarfélags Akureyrar mætti á fundinn undir þessum lið og gerði grein fyrir stöðu mála í sameiningarferli aðildarfélaganna þriggja.

<DIV><DIV>Stjórn Akureyrarstofu þakkar Sigurði fyrir greinargóðar upplýsingar.</DIV></DIV>

Menningarfélag Akureyrar hefur óskað eftir því að geymslu í kjallara Hofs verði komið í það horf að hægt verði að nýta hana í stað rýmis í Sjafnarhúsinu sem Leikfélag Akureyrar hefur haft á leigu um hríð. Stjórnendum Menningarfélagsins er ljóst að verði farið í slíkar breytingar hækkar leiga á rýminu til Menningarfélagsins.

<DIV>Stjórn Akureyrarstofu felur framkvæmdastjóra Akureyrarstofu að kanna kostnað við þær breytingar sem Menningarfélagið óskar eftir. </DIV>

Akureyrarstofa hefur á sinni könnu nokkur hús sem talin eru hafa menningarsögulegt gildi, þ.m.t. Gudmans Minde, Sigurhæðir, Davíðshús og Laxdalshús.

<DIV><DIV>Stjórn Akureyrarstofu óskar eftir því við framkvæmdastjóra að gert verði yfirlit yfir það húsnæði sem Akureyrarstofa hefur yfirumsjón með.</DIV><DIV>Þar verði tilgreint hvaða starfsemi sé í hverju þeirra, hvaða samningar séu í gildi um hvert þeirra, hvaða kostnað Akureyrarstofa beri af hverju þeirra, hvaða tekjur hvert þeirra gefi af sér og hvaða hugmyndir séu uppi um notkunarmöguleika.</DIV></DIV>

Safnkostur Náttúrugripasafns Akureyrar hefur legið í geymslu í allnokkur ár.

<DIV><DIV><DIV><DIV>Stjórn Akureyrarstofu felur framkvæmdastjóra að fá fagaðila til að meta ástand safnsins og kanna möguleika á því að koma því í ódýrari geymslu í samráði við framkvæmdastjóra Fasteigna Akureyrarbæjar hið fyrsta.</DIV></DIV></DIV></DIV>

Lokaumræða um fjárhagsáætlun Akureyrarstofu fyrir árið 2015.

<DIV><DIV><DIV><DIV><DIV>Meirihluti stjórnar Akureyrarstofu samþykkir að vísa fyrirliggjandi fjárhagsáætlun til umræðu í bæjarráði. </DIV><DIV>Eva Hrund Einarsdóttir D-lista sat hjá við atkvæðagreiðslu um fjárhagsáætlun.</DIV></DIV></DIV></DIV></DIV>

Forstöðumaður Sjónlistamiðstöðvarinnar á Akureyri hefur tilnefnt þrjá menn í Listasafnsráð.