Stjórn Akureyrarstofu - 199

Lögð fram drög að gjaldskrá fyrir menningarmál 2016.

Stjórn Akureyrarstofu samþykkir framlagða tillögu en óskar eftir að framkvæmdastjóri Akureyrarstofu móti tillögu í samstarfi við forstöðumenn safna í bænum, um aðgangskort sem gæfi tíðum gestum á söfnum bæjarins möguleika á hagstæðum kjörum.

Farið yfir fyrirsjáanleg og möguleg ný eða breytt verkefni innan málaflokkanna fyrir ofangreint tímabil.

Formanni og framkvæmdastjóra falið að ganga frá tillögum inn í áætlunina í samræmi við umræður á fundinum.

Skipulagsnefnd hefur óskað eftir að Akureyrarstofa skipi tvo fulltrúa í vinnuhóp sem móti verklagsreglur vegna tímabundinna lokanna Hafnarstrætis og Kaupvangsstrætis.

Stjórn Akureyrarstofu skipar Huldu Sif Hermannsdóttir verkefnisstjóra viðburða- og menningarmála á Akureyrarstofu og Hildi Friðriksdóttur fulltrúa í stjórn Akureyrarstofu í vinnuhópinn.

Lögð fram tillaga að breytingu á verklagsreglum sem gerir mögulegt að auglýsa eftir styrkumsóknum í desember árinu áður en til styrkveitinga kemur. Tilgangurinn er að afgreiðsla styrkja geti farið fram fyrr á viðkomandi ári. Lagt er til að eftirfarandi setning í 1. gr. úthlutunar- og vinnureglanna breytist:



"Auglýst er eftir umsóknum um styrki úr Menningarsjóði í febrúarmánuði ár hvert." og verði svohljóðandi:



"Heimilt er að auglýsa eftir umsóknum um styrki úr Menningarsjóði í desember árinu áður en til úthlutunar kemur en það skal í síðasta lagi gerast í febrúar sama ár og úthlutun fer fram."

Stjórn Akureyrarstofu samþykkir framlagða tillögu.

Lögð fram tillaga um breytingu á samþykktinni. Tilgangur tillögunnar er að skilgreina gildistíma styrkveitinga úr sjóðnum.

Stjórn Akureyrarstofu samþykkir framlagða breytingu og vísar til samþykktar í bæjarstjórn Akureyrar.

Rætt um að setja Akureyrarbæ sérstaka upplýsingastefnu sem ætlað er að ná til sem flestra þátta í öflun, meðferð og miðlun upplýsinga.

Lagt fram til kynningar. Umræðu haldið áfram á næsta fundi stjórnar.