Stjórn Akureyrarstofu - 182

María Helena Tryggvadóttir verkefnisstjóri ferðamála á Akureyrarstofu kom á fundinn og greindi frá breytingum sem framundan eru í Tax-free endurgreiðslu. Í þeim felst m.a. að ekki verður leyfilegt skv. reglugerð nr. 1188/2014, sem tók gildi 1. febrúar 2015, að bjóða upp á endurgreiðslu í Upplýsingamiðstöð ferðamanna á Akureyri frá og með 1. júlí 2015.

Stjórn Akureyrarstofu þakkar Maríu Helenu fyrir kynninguna og felur henni að koma athugasemdum við reglugerð þessa á framfæri við ráðuneytið. Jafnframt er starfsfólki Akureyrarstofu falið að kynna fyrirhugaðar breytingar fyrir hagsmunaaðilum í bænum.

María Helena Tryggvadóttir verkefnisstjóri ferðamála á Akureyrarstofu kom á fundinn og greindi frá stöðunni á vinnslu ferðamálastefnu fyrir Akureyrarbæ.

Stjórn Akureyrarstofu þakkar Maríu Helenu fyrir kynninguna.

Lagt fram til kynningar bréf dagsett 13. janúar 2015 frá Vilborgu Jóhannsdóttur formanni Kaupmannasamtaka Akureyrar þar sem óskað er eftir samstarfi við Akureyrarstofu um ýmis mál.

Stjórn Akureyrarstofu felur framkvæmdastjóra Akureyrarstofu að vinna málið áfram.

Stjórn Akureyrarstofu skal skipa þrjá aðila í fagráð til ráðgjafar við úthlutun starfslauna listamanna.

Stjórn Akureyrarstofu samþykkir að Guðmundur Ármann Sigurjónsson, Daníel Þorsteinsson og Brynhildur Þórarinsdóttir verði skipuð í fagráð til ráðgjafar við úthlutun starfslauna listamanna árið 2015.

Ríkissjóður Íslands gaf Akureyrarbæ peningagjöf árið 2012 í tilefni 150 ára afmælis bæjarins. Samþykkt var í bæjarráði þann 14. mars 2013 að 2,5 milljónir króna af þeirri gjöf rynnu í sjóð til að styðja við listastarf ungs fólks.

Stjórn Akureyrarstofu felur verkefnisstjóra viðburða- og menningarmála að leita eftir samstarfsaðilum til eflingar sjóðsins.

Umræður um Náttúrugripasafn Akureyrar.

Stjórn Akureyrarstofu felur framkvæmdastjóra Akureyrarstofu að vinna að framtíðarfyrirkomulagi fyrir Náttúrugripasafn Akureyrar.

Logi Már Einarsson formaður vék af fundi kl. 17:00 og Sigfús Arnar Karlsson varaformaður tók við fundarstjórn. <br />

Skrifstofa Alþingis óskar eftir umsögn við frumvarp til laga um náttúrupassa. Mál 455, þingskjal 699.

Stjórn Akureyrarstofu felur verkefnisstjóra ferðamála að senda umsögn um frumvarpið.