Stjórn Akureyrarstofu - 91

Starfshópurinn hefur nú lokið störfum og skilað skýrslu um vinnu sína. \nGeir Kristinn Aðalsteinsson formaður starfshópsins mætti á fundinn og gerði ásamt Sigmundi Ófeigssyni grein fyrir niðurstöðunum. \nMeginatriði í tillögum hópsins eru:\nað nauðsynlegt sé að aðkoma bæjaryfirvalda að atvinnumálum sé þverpólitísk, að atvinnustefna nái yfir meira en eitt kjörtímabil, að málaflokkurinn verði í umsjón stjórnar Akureyrarstofu og verkefnisstjóri atvinnumála staðsettur á Akureyrarstofu. Auka þarf tengsl bæjaryfirvalda við atvinnulífið og efla þarf þekkingu á atvinnulífinu á Akureyri og greina betur samsetningu þess. Hópurinn leggur til að fulltrúum í stjórn Akureyrarstofu verði fjölgað þannig að allir flokkar eigi þar fulltrúa. Viðbótarfulltrúarnir verði áheyrnarfulltrúar með málfrelsi og tillögurétt.

<DIV&gt;Stjórn Akureyrarstofu þakkar starfshópnum fyrir vel unnin störf og greinargóða skýrslu. Stjórnin mun taka tillögur hópsins til umfjöllunar og frekari úrvinnslu.</DIV&gt;

Formaður vék af fundi kl. 17:15 og varaformaður tók við stjórn.

Kynnt var staða í vinnu við starfsáætlun og farið yfir efnisatriði hennar. Jafnframt var kynnt nýtt form frá því sem áður var.

<DIV&gt;Stjórn Akureyrarstofu samþykkir þau efnisatriði sem fram koma í starfsáætluninni og felur formanni og framkvæmdastjóra að ljúka við frágang hennar.</DIV&gt;