Stjórn Akureyrarstofu - 167

Framkvæmdastjóri Akureyrarstofu kynnti og fór yfir þá málaflokka og verkefni sem stjórnin hefur með höndum. Bæði aðal- og varamenn sátu fundinn undir þessum lið.

<DIV></DIV>

Framkvæmdastjóri fór yfir þær hugmyndir og áætlanir sem liggja til grundvallar samrekstri menningarstofnananna þriggja. Ný sjálfseignarstofnun verður sett á fót af félögunum, stofnfundur hennar er áætlaður 7. júlí n.k. og mun hún taka til starfa þann 1. ágúst á þessu ári. Bæði aðal- og varamenn sátu fundinn undir þessum lið.

<DIV></DIV>

Eiríkur Björn Björgvinsson bæjarstjóri mætti á fundinn undir þessum lið og lagði ásamt formanni stjórnar Akureyrarstofu, fram tillögu um ráðningu starfsmanns sem leysa mun framkvæmdastjóra Akureyrarstofu af í námsleyfi frá ágúst 2014 til ágúst 2015. Umsækjendur um starfið voru 19. Ráðningarferlið var unnið með aðstoð Capacent ráðninga. Bæjarstjóri og fyrrverandi formaður stjórnar Akureyrarstofu tóku viðtöl við þá 5 umsækjendur sem fremst töldust standa. Nýr formaður stjórnar Akureyrarstofu og bæjarstjóri tóku svo að lokum viðtöl við þá 3 umsækjendur sem þá stóðu eftir. Niðurstaðan er sú að leggja til að Skúla Gautasyni verði boðin afleysingarstaða framkvæmdastjóra Akureyrarstofu.

<DIV>Stjórn Akureyrarstofu samþykkir tillöguna.</DIV>