Stjórn Akureyrarstofu - 239

Arnheiður Jóhannsdóttir framkvæmdastjóri Markaðsstofu Norðurlands og Hjalti Páll Þórarinsson verkefnastjóri MN mættu á fundinn og fóru yfir starfsemi markaðsstofunnar og flugklasans Air 66N.

Stjórn Akureyrarstofu þakkar þeim Arnheiði og Hjalta Páli fyrir greinargóða kynningu.

Unnar Jónsson vék af fundi kl. 17:08.

Framhald umræðu frá síðasta fundi.

Stjórn Akureyrarstofu samþykkir að skipaður verði vinnuhópur með fulltrúum frá stjórnsýslu-, fjársýslu- og samfélagssviði bæjarins og felur hópnum að skila af sér tillögu um málið fyrir árslok.



Markmið með vinnu hópsins verði að þróa afsláttarkort sem færi þeim hagstæðari kjör sem nota tilgreinda þjónustu bæjarins mikið. Kortið myndi þá nýtast bæði þeim sem búa á Akureyri og þeim sem dvelja hér um lengri tíma. Þar sem innleiðing kortsins hefði í för með sér áhrif á gjaldskrá á fleiri en einu sviði er nauðsynlegt að stoðsvið bæjarins komi að vinnunni.